Circulares litterae dioecesanae anno 1868. ad clerum archi-dioecesis strigoniensis dimissae a principe primate regni Hungariae et archi-episcopo Joanne Simor
Nr. XVII.
81 XVII. In Consistorio secreto, die 22-a Junii h. a. habito, SSmus Dnus noster praesentes Cardinales sic, ut sequitur, alloqui dignatus est: „Venerabiles Fratres! Notum Vobis est, Venerabiles Fratres, Nos iamdiu exoptare Oecumenicum omnium catholici orbis Sacrorum Antistitum celebrare Concilium, ut vestris et illorum conNr. 3272. Allocutio Summi Pontificis de publicatione Bullae indictionis Concilii Generalis. siliis, laboribusque adiuti, ea statuere possimus, quae in hac potissimum tanta temporum asperitate ad maiorem Ecclesiae utilitatem quovis modo pertinent. Nunc autem Vobis nuntiamus, opportunum Nos existimare, eiusmodi Generale Concilium futuro anno millesimo octingentesimo sexagesimo nono in Vaticana Basilica habere, illudque die 8 mensis Decembris Immaculatae Deiparae Virginis Mariae Conceptioni sacro incipere. Quocirca Apostolicas Nostras de tanti momenti negotio Litteras a pluribus e vestris Collegis iam recognitas die vicesima nona huius mensis ex more vulgare censemus. Itaque placet ne Vobis, ut eiusmodi generale Concilium a Nobis commemorato anno indicatur, et praedictae Apostolicae Nostrae Litterae enunciate die publicentur? Postquam omnes responderunt — Placet — Summus Pontifex prosequutus est Summa certe iucunditate afficimur, Venerabiles Fratres, cum videamus vestras sententias unanimi consensione Nostris respondere votis. Interea vero non desistamus levare oculos nostros ad Dominum Deum nostrum, et incessanter invocare Sanctum Divinum Spiritum, qui verus est sapientiae fons, ut mentes nostras claritatis suae lumine illustret, utque videre possimus quid in hoc Concilio agere, quidve sancire debeamus.“ Budae, die 21-a Julii, 1868. Gravissimis eventibus et splendidissimis factis illustrato Summo Pontificatui Sanctissimi Domini nostri Pii IX. maximam profecto gloriam conciliabit Synodus universae Ecclesiae Episcoporum, sive Generalis, quam Beatissimus Pater Romae in Vaticana Basilica celebrandam indixit, ac convocavit. Hac vice Bullam dumtaxat indictionis ac convocationis Concilii Generalis litteris his circularibus inserere volui, cuius tenores ut V. Clero innotescant, summa rei gravitas postulat, de qua mentem meam alia opportuna occasione depromturus sum. Budae, die 21-a Julii, 1868. Nr. 3276. Bulla indictionis et convocationis Concilii Oecume- nici. SANCTISSIMI DOMINI NOSTRI PII Divina Providentia PAPAE IX. Litterae Apostolicae, quibus indicitur Oecumenicum Concilium Romae habendum et die Immaculatae Conceptioni Deiparae Virginis sacro An. MDCCCLXIX incipiendum. Pius Episcopus Servus Servorum Dei ad futuram rei memoriam. .\eterni Patris Unigenitus Filius propter nimiam, qua nos dilexit, caritatem, ut universum humanum genus a peccati iugo, ac daemonis captivitate, et errorum tenebris, quibus primi parentis culpa iamdiu misere premebatur, in plenitudine temporum vindicaret, de caelesti sede de-
