Circulares litterae dioecesanae anno 1868. ad clerum archi-dioecesis strigoniensis dimissae a principe primate regni Hungariae et archi-episcopo Joanne Simor
Nr. I.
CIRCULARES DIOECESANAE. Nr. I. Novo, quem paucos ante dies occepimus, anno primum ad Vos patet os meum ') VV. FF et FF. in Christo Dilectissimi! qui genus electum nuncupati estis, Regale Sacerdotium, Gens sancta, populus acquisitionis.2) Quid dicam Vobis? Cum Gentium Apostolo Vos alloquor: „nolite conformari huic saeculo, sed reformamini in spiritu sensus Vestri, ut probetis, quae sit voluntas Dei bona, et beneplacens et perfecta.“3) Vos, qui mecum in laboris partem acciti, commissum mihi gregem, quem acquisivit sanguine suo Dominus, mecum una et pascere, et conservare debetis, „Spiritum induite filiorum Dei, qui idoneos nos fecit ministros novi Testamenti“ 4) induite spiritum cha- ritatis, ut servientes Deo non litera, sed spiritu, SS. Ecclesiae canonibus Vos ipsos subjiciatis, non timore poenae, sed amore justitiae, non propter iram, sed propter conscientiam.“ 5) Vos enim ii estis, quos separavit Deus ab omni populo, et junxit sibi, ut serviretis ei in cultu Tabernaculi, et staretis coram frequentia populi et ministraretis ei,“6) atque iccirco opus est, ut omnino aliam ab ea, quam vulgus sequitur, vivendi rationem teneatis, semper compositi ad mores, ad sanctimoniam probati, ad dispensationem fideles. Qui igitur toto studio cupio pascere, qui in Vobis est, gregem Dei“ 7) pro Pastoralis officii mei ratione Vos vehementer oro, obtestorque,mt fortes maneatis in proposito,“ 8) et quidnam Vestra ipsorum dignitas, quidnam ardentissima erga nos caritas Christi poscat, attentius, ac frequentius animo reputetis. Christus enim dile- xit nos, et tradidit semetipsum pro nobis, ut mundaret sibi populum acceptabilem, sectatorem bonorum operum.“9) Quodsi ex Vobis quempiam aliquid gravioris molestiae, ac difficultatis in Dei vinea colenda pati contingat, illud magis cogitet, pro levi nimirum, ac momentaneo labore aeternum sibi gloriae pondus“ 10) fore retribuendum, seque pro fideli quidem, sed brevi obsequio in aeternam requiem, in gaudium Domini intraturum. Bonum igitur certamen certate, cursum consummate, fidem servate, in reliquo reposita est Vobis corona justitiae, quam reddet Vobis Dominus justus Judex. u) Nostrum est omni vita efficere, ut exhibeamus nos tamquam Dei ministros, sobrios, benignos, justos, integritate conspicuos, caritate ferventes, sapientia honorabiles, et in habitu sancto testimonium habentes bonum, ne simus offensioni cuipiam, sed omnibus exemplo bonorum operum,12) nostrum inquam, quibus Deus infinitae sapientiae et boniNr. 287. prim. ArcH-Episco. pi ad Clerum monita ac vota. *-% ») 2. Cor, 6, 11. — 2) 1. Petr. 2. 9. — 3) Kom. 12. 2. — 4) 2. Cor. 3. 6. — 5) Rom. 13. 5. — 6) Num. 16. 9. — 2) 1. Petr. 5. 3. — 8) Actor. 11. 23. — ») Tit. 2. 14. — 10) 2. Cor. 4. 17. — »«) 2. Tim. 4. 8. — *2) 2. Cor. 6. 4—Tit. 1. 8. Tim. 3. 7.—Tit. 2. 7.
