Circulares litterae dioecesanae a 16-a maji-31-am decembris 1867. ad clerum archi-dioecesis strigoniensis dimissae a principe primate regni Hungariae et archi-episcopo Joanne Simor
Nr. XV.
88 salubriter editas, per edictum die XV. Novembris, Anno MDCCXXX. iussu Nostro promulgatum confirmavimus, ac etiam ampliavimus; et subinde Christifideles, tam Almae Urbis Nostrae, quam universae Italiae, ac insularum adjacentium pro tempore existentes, ut operi hujusmodi terventius incumberent, excitare volentes, omnes ac singulas indulgentias, et peccatorum remissiones, ac poenitentiarum relaxationes, quae a quibusvis Romanis Pontificibus Praedecessoribus quoque Nostris praefatum Catechismum, seu doctrinam Christianam juxta Decreta Concilii Tridentini in Ecclesiis, et Oratoriis pueros docentibus, aut eidem, dum traditur, interessentibus, eatenus concessae reperiebantur, ad adultos Urbis, Italiae, et insularum praedictarum ipsi Catechismo, sen doctrinae Christianae interessentes extendimus. Praeterea eisdem adultis, qui vere poenitentes, et confessi, ac sacra Communione refecti ejusmodi pio exercitio devote intervenirent, qua vice id agerent, septem annos, et totidem quadragenas de injunctis eis, seu alias quomodolibet debitis poenitentiis in forma Ecclesiae consueta relaxavimus; qui vero illud assidue frequentarent, eumdem Catechismum, doctrinamve Christianam docentes, vel addiscentes, ac vere similiter poenitentes, et confessi, sacraque Communione refecti pro Christianorum Pririci- pum concordia, haeresum extirpatione, ac Sanctae Matris Ecclesiae exaltatione pias ad Deum preces effinderent, in Nativitatis Domini Nostri Jesu Christi, Paschatis Resurrectionis Dominicae, nec non Sanctorum Petri et Pauli Apostolorum festis diebus plenariam omnium peccatorum suorum indulgentiam, et remissionem misericorditer in Domino concessimus, et alias prout in Nostris in pari forma Brevis die XXVII. Junii MDCCXXXV. desuper expeditis litteris, quas perpetuis futuris temporibus valere statuimus, quarumque tenorem praesentibus pro plene, et sufficienter expresso, et de verbo ad verbum inserto haberi volumus, uberius continetur. Nunc autem Nos memorati Catechismi, seu doctrinae Christianae usum et frequentiam tantopere comendabilem, ac salutarem, ne fideles circumferantur tanquam parvuli fluctuantus omni vento doctrinae, sed firmo fidei fundamento adhaerentes coaedificentur in habitaculum Dei m Spiritu Sancto, ubique locorum ac gentium propagari, magisque in dies augeri enixe cupientes, supplicationibus etiam plurimorum ex Veuerabihbus fratribus Archi-Episcopis, et Episcopis extra Italiam hujusmodi existentibus, necnon dilectorum filiorum Officialium, et Confratrum Archi-Confraternitatis doctrinae Christianae in Urbe praefatae dudum auctoritate Apostolica erectae nomine Nobis super hoc humiliter porrectis inclinati, concessionem indulgentiarum, et peccatorum remissionem poenitentiarumque relaxationem, docentibus, et adultis addiscentibus Catechismum, seu doctrinam Christianam in Urbe, Italia, ac insulis adjacentibus a Nobis factam, sicut praemittitur, expeditasque desuper litteras Nostras praedictas, ad universos Christifideles, ubicunque locorum nunc et pro tempore existentes, eumdem Catechismum, doctrinamve Christianam similiter docentes et adultos addiscentes, servata earumdem litterarum Nostrarum forma et dispositione, auctoritate Apostolica tenore praesentium in perpetuum extendimus similiter, et ampliamus. Non obstantibus nostra de non concedendis indulgentiis adinstar, aliisque Constitutionibus, et Ordinationibus Apostolicis, caeterisque contrariis quibuscunque. Volumus autem, ut ipsarum praesentium litterarum transumptis, seu exemplis etiam impressis, manu alicujus Notarii publici snbscriptis, et sigillo personae in dignitate Ecclesiastica constitutae munitis, eadem prorsus fides adhibeatur, quae adhiberetur ipsis praesentibus, si forent exhibitae, vel ostensae. Datum Romae apud Sanctam Mariam Majorem sub annulo Piscatoris die XVI. Maji, MDCCXXXVI. Pontificatus Nostri Anno Sexto. F. Card. Oliverius. Strigonii, die 16-a Septembris, 1867. Joannes m, p. Archi-Episcopus.
