Circulares litterae dioecesanae a 16-a maji-31-am decembris 1867. ad clerum archi-dioecesis strigoniensis dimissae a principe primate regni Hungariae et archi-episcopo Joanne Simor
Nr. XVIII.
108 Canonicus oscula hujusmodi sint omittenda ? Resp. Affirmative ad primam partem, negative ad secundam. Et detur decretum in una Urbis 22. Aprilis, 1690. prout sequitur. Propositum fuit dubium in Sac. Rit. Congreg. an Canonicus Patriarchalium urbis Diaconi munus exercens, in Missa solemni post petitam benedictionem Evangelii teneatur osculari manum celebrantis, etiamsi ipse Celebrans non sit Canonicus, neque in aliqua alia Ecclesiastica dignitate constitutus? Et eadem S. C. respondit: Teneri. Die 22. Aprilis, 1690. Et ita declaravit, et decrevit S. R. C. 31. Maji, 1817. Dubiorum ad 5. 7. Utrum in anniversariis Creationis et Coronationis Summi Pontificis pro tempore regnantis in universa Ecclesia dici possit ad debeat in Missa oratio: Deus omnium fidelium ? Et quatenus affirmative, an haec oratio dicenda sit in festis primae vel secundae classis? Resp. Collecta pro Summo Pontifice in diebus creationis et coronationis dici debet, et sub unica conclusione in duplicibus secundae classis 22. Maji, 1841. in Baltimoren ad 8. 8. Pro suffragio B. Mariae in Ecclesiis eidem dicatis sub quocumque titulo sive Assumptionis, et Conceptionis, etc., sufficit consueta Antiphona: Sancta Maria, succurre miseris, etc. 23. Aprilis, 1695. In Fossanen. Strigonii, die 25-a Octobris, 1867. Joannes m, p. Archi-Episcopus.
