Membra Coronae Aureae Immaculati Cordis B. M. V. intra ambitum Archi-dioecesis Strigoniensis pro anno domini 1866.
Nr. 20
Nr. 20. 1866. Venerabili Clero Archi-Dioecesis Nostrae Strigoniensis Salutem in Domino et paternam Benedictionem! Sanctissimus Dominus noster sequentes ad me sub 12-a Julii anni curr. dimisit b. ordines, quibus pro obulo S. Petri, intra ambitum Archi-Dioecesis primo quadrante anni currentis conflato, in signum Suae paternae recognitionis, Benedictiouem apostoli- cam impertitur mihi, Vobis et cunctis Archi-Dioecesis hujus fidelibus: „PIUS PP. IX. Dilecte Fili Noster Salutem et paternam Benedictionem. Tuas officii ac benevolentiae plenas nuper accepimus litteras, die 14-a proxime mensis Maji datas, quibus gravissimas Nostras amaritudines summopere lenire et consolari studes. Ac per Te ipse Dilecte Fili Noster, vel facile intelligere potes, quam grati hujusmodi Tui erga Nos amoris et obsequii sensus extiterint. — Eisdem autem litteris significas, istius Tuae Dioecesis fideles, vehementer cupientes maximis Nostris et hujus Sanctae Sedis angustiis opitulari, Nobis denuo mittere summam quindecim mille libellarum ab eisdem fidelibus, Te Duce collectam. Itaque haud possumus, quin Tibi, ac Tuo isti Clero populoque fideli debitas iterum agamus gratias, dum a Deo humiliter exposcimus, ut Te eosdemque Tuae Dioecesis fideles uberrimis divinae suae gratiae donis remunerare velit. Ne desinas ferventissimas miserationum Domino sine intermissione adhibere preces, ut omnipotenti sua virtute Ecclesiam suam Sanctam a tantis, quibus ubique divexatur, calamitatibus eripiat, et civili ipsi societati, tot periculis ac damnis afflictae succurrat. Tibi vero persuade, praecipuam esse Nostri in Te benevolentiam. Cujus quoque certissimum pignus esse volumus apostolicam Benedictionem, quam intimo cordis affectu Tibi ipsi, Dilecte Fili Noster et gregi Tuae curae commisso peramanter impertimus. Datum Romae apud S. Petrum die 12-a Julii Anno 1866. Pontificatus Nostri vigesimo primo. Pius PP. IX.44 Strigonii die 26-a Julii 1866. benevolus Strigonii typis Aegydii Ilor&k. Nr. 3052. SSmi Patris paterna de perceptis obulis recognitio.
