Circulares 1850-1864, Joannes bapt. Scitovszky de Nagykér, Archi-episcopus Strigoniensis, Regni Hungariae Primas
1863
Nr. 4731. Statio Docentis in Abalehota vacat. Nr. 4879. Magyar Sion commendatur. Emolumenta stationis Docentis una Cantoris labii slav.hung,, in filiali hacce ad Parochiam Újlak posessione, pro qua Concursus in diem 30-am affuturi mensis Decembris indicitur, consistunt in 20. metr. poson. siliginis, octo hordei et 2 tritici; tribus lignorum orgiis ad personam et totidem pro conclavis scholaris calefactione; in 37. finis 80 xris v. a. e cassa Communitatis pendendis; a quavis prole scholam frequentante obvenit y2 metr. pos. siliginis et 20 xri v. a. titulo pulsus contra tempestatem iucirca 6 urnae vini; a funeribus incirca 8 fini v. a. Habitaculum amplo cubili, culina, camera absolvitur; adest stabulum quoque et exiguus hortus. Recursus scholarum Inspectori, una surr. VADiacono Districtus Ujlakensis Alberto Száj b él y, Parocho in Nyitra-Egerszegh inscribendi, ac ad praeindicatum Concursus terminum exhibendi erunt. Quodipsum Docentibus Vestris ad notitiam perferatis. Strigonii die 21-a Novembris 1863. Dum primi anni cursus scripti periodici „Magyar Sion“ ad exitum properat, redactorque programma pro altero cursu publicat: non possum non scriptum istud, quod se vel initiis suis tantopere commendatum reddidit, ut communem retulerit recognitionem, ultroneae reflexioni, benevolentiaeque Vestrae commendare. Monumenta5, quae producit, historica, Ecclesiam hungaricam multum illustrantia, lectu non minus grata quam utilia sunt, merenturque, ut in privata Vestra literaria penu pariter ac in bibliothecis parochialibus locum occupent. Quapropter scripto huic ultro quoque impendo favorem illum, quatenus pro fascibus ejus ex fiscis Ecclesiarum, quae sufficientem manentiam activam habent, praenumeratio institui queat. Strigonii die 30-a Novembris 1863. benevolus Strigonii, typis Aeg. Horák
