Circulares 1850-1864, Joannes bapt. Scitovszky de Nagykér, Archi-episcopus Strigoniensis, Regni Hungariae Primas
1861
pro ratione extensionis et impopulationis Parochiae, maiore vel minore numero (qui tamen decem non superet) mox e praesentibus deligi facietis. Non absimiliter eadem fidelia eligendi erunt Notarius Commissionis, qui correspondentias, Protocolum et Catalogum Sociorum ducet, —item Cassae perceptor, qui per singula Commissionis membra colligendas a sociis menstruas symbolas in perceptum sumet et custodiet, quovis trimestri via districtualis Vice-Archi-Diaconi, ad Officium Dioecesanum per Commissionem promovendas. Quarto. His superatis et in Protocolum sumtis, quo testatus per praesentes zelus et devotus sensus inter eos constanter foveatur, cum id per exercitia pietatis et pias sodalitates optime fieri possit, unam alteramve ex his, quales sunt: Sodalitas sanctissimi Altaris Sacramenti — adorationis Cordis Jesu — Cultus immaculate Conceptae Virginis Mariae — Sanctissimi Rosarii — Scapularis etc. illis commendabitis, provocando eos: ut sibi aliquam et recensitis piis Sodalitatibus (si in praesentiarum non haberent) eligant; quo eveniente interpellandi abs Vobis erunt, ut pro communibus, quas statuta huiusmodi piae Sodalitatis deposcunt, devotionibus, statis temporibus solerter conveniant, talesque rite persolvant. Devotionibus his semper praevie per Vos ex ambone annunciandis poterunt reliqui etiam fideles, seu sint membra Consociationis S. Ladislai, seu non, pariter intervenire. — Sub cujuscemodi devotionibus non intermittetis quandoque ad praesentes proloqui, commendando illis causam Cousociationis S. Ladislai, atque eos pro eadem animando. Idipsum faciendum erit occasione quoque encaeniorum et aliarum ecclesiasticarum solennitatum, pro quibus maiore numero fidelis populus confluere svevit; opportune poterit eotum specialis etiam pixis (perzsely) exponi, ad quam pias symbolas, si qui voluerint, pro emolumento toties memoratae S. Ladislai Consociationis conferre valeant. Quod ita intraverit, una cum menstruis Sociorum quottis singulo trimestri transponetur ad districtualem Vice-Archi-Diaconum, per hunc vero ad Officium Dioecesanum, abhinc demum ad centralem ipsius Consociationis Commissionem. TJbi in singillativis Parochiis Commissiones coaluerint, harum Praesides iterum sub praesidio Vice-Archi-Diaconi et unius adhuc eligendi laici districtualem Commissionem constituent, cuius agenda § 6-0 statutorum exponuntur. Priusquam negotium hoc adgrederemini, cupio, ut illud in proxima autumnali Congregatione inter Vos ventilletis, et intuitu illius pro ratione specialium ad- iunctorum optima, qua neri potest, modalitate effectuandi consilia invicem conferetis, tum vero cum initio affuturi mensis Novembris ad effectuationem quisque intra ambitum suae Parochiae in nomine Domini procedatis. Occasione primae transpositionis symbolarum submittendus etiam erit catalogus Sociorum, qui primo trimestri, quippe mensibus Novembris, Decembri et Januarii semet inscribi curarunt, postmodum dein illorum duntaxat nomina, qui successive nefors ad gregabuntur. Evenire facile poterit, quod initio conatus Vestri non usquequaque laeto effectu sint coronandi, id tamen Vos haud debebit deterrere, quin potius zelum Vestrum eo magis acuere. — Si quamcunque paucos Vobis ab initio pro quaestionata Consociatione ex fidelibus Vestris lucrari successerit, Vos nihilominus cum illis in Commissionem coalescatis, quae germen constituet ulterius progressus et incrementi. — Bona enim causa, perduranter fota et sustentata, ad extremum tamen triumphat! Potenti stimulo Vobis hac in re zelose agendi sit illa quoque anxietas, qua circa futuram Ecclesiae Catholicae in Patria Nostra sortem non infundate tenemur; fors prope est iam tempus, dum illa non exiguas luctas sustinendas habebit, ut saltem quaspiam reliquias pristini sui splendoris praesalvare possit, — Eotum universorum fidelium Nostrorum morali succollamine opus erit: de tempore itaque in illis vivacem pro causa Ecclesiae suae sensum excitare studeamus; iam autem insigne vehiculum pro eo suppeditat recte vertens in quaestione Consociatio, quae Vos iterato ad fiducialem cum fidelibus Vestris contactum ponet, Vobisque campum praebebit in illis zelum pro re Ecclesiae accendendi, modo utique et ipsi Vos tali ar- deatis; — „neque enim, quemadmodum S. Gregorius Papa recte advertit, quod in* se non ardet, aliud accendere potest.“ Caetera Pater Omnipotens abundare faciat in Vobis, fidelibusque Vestris omnem gratiam suam et augeat incrementa frugum iustitiae Vestrae! — Strigonii festo S. Stephani Proto-Regis C« 1861. benevolus Strigonii typis E. iiorák.
