Circulares 1850-1864, Joannes bapt. Scitovszky de Nagykér, Archi-episcopus Strigoniensis, Regni Hungariae Primas

1852

illas in tribus exemplaribus, lias vero iti uno. E tribus exemplaribus status activi et passivi ecclesiarum subin unum

illum esse, ut quantum saltem possibile est, curis temporalibus relictis, super anteactam vitam serio cogitemus, de gravitate peccati convincamur, super morte, judicio et aeternis inferni poenis meditantes peccare horreamus, et emendati paranti nobis Christo in coelis locum gaudiorum associemur. Finito sermone cum exposito venerabili Sacramento absolvet eo modo devotionem, quo omni (eria 6. tempore quadragesimae asservanda est, eo observato, ut ante finalem benedictionem etiam preces vespertinae praeorentur.

4) Dominica, mature mane legetur Sacrum cum cantu, et post hoc dabitur instructio de partibus poenitentiae; hora competente sermo de gravitate peccati fusior '— tum sub exposito Sanctissimo Sacrum, cui subjunget preces iudulgenliales (ut alias sub Jubilaeo) A meridie mature oratio rosarii, explanatio mysteriorum rosarii; vesperi sero sermo continuativus de peccato, tandem, ut heri, devotio.

5) Singula sequentium dierum hora matura convocato populo, dicetur ex ordine de veritatibus supra attactis sermo-, cantabitur cum exposito Venerabili Sacrum-, et preces indulgent, absolventur. Tardius ante meridiem, vel illico post, praemisso rosario et conveniente cantico, explanabuntur porro poenitentiae paries. Sero vesperi demum dicetur sermo, et, ut die dominica, absolvetur devotio.

6) Quousque in sermonibus sacris non absolventur veritates de gravitate peccati, morte, judicio, inferno-, id est, quousque gravitate peccati concussi non fuerint auditores, ad s. confessionem non provocentur.

7) Sabbatho vesperi pro conclusione de perseverantia in bono proloquendum erit, et absoluta devotione ut alias, decantetur: Te Deiim, et cum benedictione populus dimittatur.

Notandum, a) Ad lucrandas Indulgentias necessarium erit, ter adminus devotioni tali intervenire; populus tamen omni charitatis affectu attineatur, quo turnum totum sacrorum exercitiorum ita percurrat, ut quotidie semel adminus devotioni intersit. — b) Si quis gravibus obligationibus impeditur ipsis publicis devotionibus adesse, Indulgentiarum particeps erit, si penes implementum aliarum conditionum ecclesiam talem, in qua haec ss. exercitia asservantur, ter pie orando visitaverit, c) In diem severioris jejunii defigo hebdomadae illius feriam secundam, qua exercitia asservabantur, d) Cujusvis zelo pastorali, qui superet omnia, relinquo, ut devotioni huic dietim asservandae, quidquid ad pietatam excitandam, cordis compunctionem adaugendam idoneum et opportunum judicaverint, addere valeant. Imo pro eo quoque assensum praebeo, ut admodum vicinae parochiae, simultanee pietati huic, in una tamen ecclesia continuative vacent.

Dominus, qui dives est in omnes, illuminet vultum suum super nos, inflammet voluntatem, excitet in cordibus erga quaeque adaugendae pietatis Christianae media et subsidia dilectionem ! ut stadium hoc poenitentiae, et conspicua cum pietate transcurramus, et super abundantia fructuum spiritualium laeti gaudeamus! —Vos autem pastores animarum, Filii Dilectissimi! acuite vestrum sacerdotalem zelum, quotidie antepedes Crucifixi suspirando; Domine Jesu, emitte Spiritum Sanctum Tuum super me, ut loquar magnalia Dei in virtute Tua, et renovetur facies terrae! Super haec diurna nocturna ve manu volvite libros, praeparate Vos, ut detur Vobis sermo in apertione oris vestri, loqui terribilia; quo sermo vester penetret usque ad divisionem animae, ad delendas iniquitates! Sed et excitate praevie desiderium ss. exercitiorum in mentibus fidelium vestrorum, per accommodam eorum in sermonibus sacris commemorationem, et devotionis occasione tali alibi adauctae adumbrationem. Vos ipsi demum, imo tota domus vestra aliam pro sacra illa exercitiorum spiritualium hebdomade induat faciem, — regnet summum silentium — jejunium strictius observetur, cella pro continuo custodiatur, Kerbo, occupatio sit una et tota oratio, meditatio« ut impicatur dictum Prophetae: Iste omnis fructus ut auferatur peccatum! —Caeterum respectu tribuendae in lege abstinentiae dispensationis priore anno annunciata sancte observentur.

Denique ut inchoatorum apud fidelem populum ss. exercitiorum continuo refricetur memoria, praesentium per vigorem dispono, et praecipio, ut in obsequium Brevis magnae memoriae Benedicti XIV. die 13-a Dec. 1740. pro loto orbe catholico editi, quavis feria 6-« hora 5-a pomeridiana ad passionis et agoniae (sunt verba Pontificis) Redemi oris et Domini nostri Jesu Christi, unde nobis vita, salus et resurrectio manavit, memoriam, pulsetur campana; lucraturi centum dierum indulgentias, quiqui ad pulsum hunc ßexis genibus 5. Fater et Ave, imprimis pro salutari perditorum hominum emendatione pie oraverint. Super quo in morientem JESUM sub- seque constanter observando pietatis officio, decursu ss. exercitiorum in ss. sermonibus populum vestrum instituatis, et observantiam inculcetis.

Pro coronide oremus Dominum! verbis Beatissimi Fair is, ut preces nostras benigno vultu excipiens, velit omnium errorum tenebras dispellere, malorum procellas dissipare, ac rei tum christianae tum civili auxiliarem dexteram porrigere, atque efficere .* ut in omnibus hominibus una eademque sit fides mentium, et pietas actionum! — Domine Jesu adjuva nos, et libera nos propter nomen Tuum! Anien. — Dabam Strigonii, festo conversionis S. Pauli Apostoli, Anno Domini 1852.

/7