Circulares 1850-1864, Joannes bapt. Scitovszky de Nagykér, Archi-episcopus Strigoniensis, Regni Hungariae Primas
1861
S. R. E. TIT. S. CRUCIS IN HIERUSALEM PRESBYTER CARDINALIS rar 9 DEI ET APOSTOL IC AE SEDIS GRATIA METROPOLITANAE ECCLESIAE STRIGONIENSIS ARCHI- EPISCOPUS, SANCTAE SEDIS APOSTOLICAE LEGATUS NATUS, INCLYTI REGNI HUNGÁRIÁÉ PRINCEPS PRIMAS, SUMMUS ET SECRETARIES CANCELLARIUS, PENES EXCELSUM R. LOC. CONSILIUM HUNG. CONSILIARIUS, INSIGNIS ORDINIS S. STEPHANI REGIS APOSTOLICI PRAELATUS, EJUSDEM, INS. ITEM ORD. LEOPOLDI IMP. MAGNAE CRUCIS EQUES, S. C. ET R. APOSTOLICAE MAJESTATIS ACTUALIS INTIMUS CONSILIARIUS, INCL. COMIT. STRIGON. PERPETUUS ET SUPREMUS COMES, EXCELSAE TABULAE SEPTEMVIRALIS CO-JUDEX, SACERDOS JUBILARIS, AA. LL. ET PHIL., NEC NON SS. THEOL. DOCTOR, ETC. ETC. In Christo Charissimi! Adpropinguaut dies redemtionis nostrae mysteriis inclyti, inde ab Apostolicis temporibus fidelium Ecclesiae Christi observantia ad id consecrati, „ut in iis dicente S. Leone Papa, aliorum anni temporum culpas et pia opera, imprimis eleemosyna, redimerent et jejunia casta decoquerent. — Ecclesia Catholica Divini Salvatoris secuta exemplum, observantiam Quadragesimalis jejunii, veteris Testamenti paginis, ac Apostolorum exemplis commendatam, in leges retulit et observantiam praescripsit saluberrimo illo fine, ut fideles praeeunte nostro ad majorem perfectionem vocatorum exemplo, domata per abstinentiam exaestuantis carnis nequitia, ad jugem Dominicae passionis memoriam, proprii corporis mortificatione excitentur, conditionisque humanae dignitas per protoparentum nostrorum intemperantiam sauciata, medicinalis huius parsimoniae studio reformetur“. Sunt verba praecitati S. Patris. Est itaque Sacra Quadragesima tempus acceptabile, sunt dies salutis, stricte dies orationis jejunio glorificat!; ut immutetur habitus peccaminosae vitae nostrae in cinere et cilicio, jejunemus et ploremus Charissimi! ante Dominum, quia benignus et misericors est, ut gratia sua visitet nos in die tribulationis nostrae quam maximae! Ut levemus oculos nostros in montes Dei, unde veniat auxilium nobis, mole adversitatum pressis, ut veniat auxilium Potentatibus saeculi ad comprimendos pacis publicae inimicos, veniat auxilium Ecclesiae Dei, quae constanter in Capite et membris gravem et continuam sustinet persecutionem. Sunt verba Statuti 30. in Synodo Nostra Dioecesana ante tres menses perlati, brevi ad Vos in toto statutorum complexu perferendi. Jejunabimus ergo, fiducialiter spero in Domino, quod dies 76. anni vitae meae ad occasum properantis, Sacrae abstinentiae continuata observantia, sit multum refocilla- tura! Sequamini insufficientiam meam Charissimi! et Dominus, qui dat abundanter petentibus se, confortabit misericorditer debilitates nostras, perducetque incolumes ad paschalia gaudia! Caeterum dispositiones anni prioris ddto 2l-ae Januarii sub Nro 314. circa qualiter dispensandos fideles sancte observari facietis; e Vobis autem vere infirmi aut debiles peculiari recursu Nobis aut Vicario Nostro Districtuali exhibendo, necessitatem dispensationis exponendam habebitis. Memineritis denique 1- o Ut pericopae Evangeliorum quotidie per S. Quadragasimam post missam cum brevi cohortatione perlegantur, et 5. Pater et Ave ad SS. Vulnera D. N. Jesu Christi persolvantur. 2- 0 Ut singula feria V. 6. hora Vespertina praescripta devotio asservetur. 3- 0 Ut Vos ipsi evidenti cum fructu et ineffabili fidelium solatio adusque asservari solita Sacra expiatoria Exercitia tanto exactius celebrare non intermittatis, quanto haec avidius a fidelibus e vicinia quoque confluere svetis, expetuntur. ■—- Domine JESU Salvator mundi respice Nos propitius! ut gratia Tua suffulti in spiritu humilitatis et animo contrito percurramus dies reversionis ad Patrem, quem peccaudo reliquimus, utve stola innocentiae redonati ad gaudia paschalia felices perveniamus! Strigonii die 20. Januarii 1861. Nr. 348. De S. Quadragesima. 1 . í f, \u! r S trigonii, tvnis E. Korák.
