Circulares 1850-1864, Joannes bapt. Scitovszky de Nagykér, Archi-episcopus Strigoniensis, Regni Hungariae Primas
1852
/ , rx) Na ni. 380 PRINCEPS JOANNES BAPTISTA SCITOVSZKY DE NAGY-IÍÉR, DEI ET APOSTOLICAE SEDIS GRATIA METROPOLITANAE ECCLESIAE STRIGONIENSIS ARCHI-EPISCOPUS, SANCTAE SEDIS APOSTOLICAE LEGATUS NATUS, INCLYTI REGNI HUNGÁRIÁÉ PRIMAS, ETC. ETC. Venerabili Clero Saeculari et Regulari Arclii-Dioeeesis Nostrae Salutem et Gratiam in Christo Jesu! Adproximat dies, qua in signum inchoatae poenitentiae perspersi cineribus ad nihilum nostrum reflectemur, quia pulvis sumus et in pulverem revertemur; sed reflectemur etiam, quia malum et amarum est reliquisse Dominum, ut jejunemus et ploremus ante Dominum , ne subito praeoccupati die mortis quaeramus spácium poenitentiae, et invenire non possimus! — Eapropter prima statirn sacrae Quadragesimae die ad nos, Fratres et Filii dilectissimi! materna vox Ecclesiae personat : inter vestibulum et altare, in cinere et cilicio plorent sacerdotes ministri Domini, et dicant : parce Domine, parce populo Tuo! et propitius esto peccatis nostris propter nomen Tuum! Et quis profecto nostrum se de horum numero esse non reputaret, imo palam non profiteretur? qui nec penes tam multiplicia renovandi in nobis Spiritum Christi media et subsidia mundi illecebris, carnis concupiscentiis, saeculi vanitatibus liberari scimus aut volumus ! qui alloquio Superioris per vices ad vitam sanctuario Domini dignam reflexi, imo per meditationes et considerationes sacrorum exercitiorum commoti, primae suggestioni malae tam faciles succumbimus, — et a propositis in tempore tentationis recedimus! — Sed quomodo etiam optatam spiritus sacerdotalis renovationem ingrediamur proseqüamurque, si Tu Frater! qui alium doces orandum esse, non oras? librum Horarum Canonicarum non tractas?Qui apud Tibi creditos frequentem cum Deo per poenitentiae sacramentum reconciliationem adurges : et Tu mensibus et mensibus, alteram hanc post naufragium tabulam non arripis? Qui ad mensam Domini indigne accedentibus damnationis judicium inclamas : et Tu, spreto remorsu conscientiae, suppressa viva de reali divinae praesentiae in Eucharistia fide, quasi nihil Tibi triste possit evenire, quotidie ad convivium coeleste accedis? Qui non inculcas modo, sed imperiosa voce etiam in minimis extorques a tuis obedientiam: et Tu conversationem offendentem fovere, vestem laicalem in obversum legis ecclesiasticae (Cone. Tricl. Sess- 14. cap. 6. de Refi) etiam publice deferre temerarius non reformidas ? Procedamusne ultro in denudandis nobis, et evidenti illa contradictione explicanda, quae inter verba et opera sacerdotum intercedit? — Hac vice non — sitve satis cum S. Hieronymo ad Nepotian. scribente subnectere : ,,Non confundant opera tua sermonem tuum , ne cum in ecclesia loqueris, tacitus quilibet respondeat : cur haec quae dicis, ipse non facis ? /“ — Fratres! nonne in multis offendimus omnes?! Nos ergo imprimis, et prae quibusvis aliis brevi superventurum, et exemplo innocentissimi JESU sacratum magni jejunii tempus debet attentos reddere, ad poenitendum disponere, ad sanctioris vitae expost consectandae elicienda proposita praeparare, et remediis quibusvis animum in mala tam facile ruentem obvallare; ut immutemur habitu, conteramur corde in cinere et cilicio, ut jejunemus cum rigore, et ploremus ante crucifixum Dominum nostrum, quia multum misericors est, dimittere peccata nostra, Deus noster! Sed quia scriptum est: „qualis pastor talis grex“: quaeso! obsequamur Domino Fratres, subsequa sacra Quadragesima per Joelem (cap. 2.) nobis inculcanti“ canite tuba sacerdotes in Sion, vocate coetum, congregate populum, coadunate senes, convocate parvulos, et plorantes dicite: parce Domine, parce populo Tuo et ne des haereditatem Tuam in perditionem Vs Vere in perditionem! quia vivimus tempora, quibus malitia hominum ascendit semper! quatenus multi Creatoris sui penitus obliti, quantum aliis mentis cultura praestant, tantum super omnes depra-
