Circulares 1850-1864, Joannes bapt. Scitovszky de Nagykér, Archi-episcopus Strigoniensis, Regni Hungariae Primas

1851

1923

1851,

Fratres et Filii in Christo Dilectissimi!

Sacra Exercitia cum Clero Dioecesano jam duplici vice asservata constitui in Domino vice tertia celebrare; siquidem etiamsi meam super Spirituali eorum emolumento non sumam in censum convictionem, tam patulum est, Cleri Ecclesiae Hungaricae iis interveniendi voce, scriptisve manifestatum desiderium: ut vel hoc speciato, inchoato sacro operi supersederi nequeat; idque eo minus, quod ad partes muneris mei principales referam, ut eorum Sacerdotum imprimis anhelis votis deferam, qui in remotioribus Archi-Dioecesis meae oris degentes, anno proxime evoluto Tyrnaviae cum amplissimo proventu asservatis Sacris Exercitiis interessé nequiverunt.

Sed et secus omnes et singuli, praegustu dulcedinis Spiritualis exciti, et meliora edocti, aemulantur etiam tepore mersos provocare „Gustate et videte, quoniam svavis est Dominus iis, qui in cubiculis clauso ostio orant Patrem, ne dum aliorum medentur vulneribus, ipsi reprobi effecti insanabili in anima ulcere perimantur.“

Ut adeo pro certo, et invicto teneo, absolutam pro Clero indigentiam esse, ut subin saltem exclusis omnibus terrenis curis et solicitudinibus, ad proximius cum DOMINO loquendum, animamque nostram ab adhaerente ei a terrenis quantulacunque labe solertius perpurgandam, in sanctam recedamus solitudinem: quo ibidem „Aspersi hysopo et mundati, abluti et super nivem dealbati“ partes incumbentis nobis Sanctae Missionis eo securius continuare, ac explere valeamus.

Praesentibns igitur ad Sacra Exercitia, sub Directione D. Aloysii Schlör, Spiritualis Seminarii Graecensis, cooperaturo Eidem Illustrissimo D. Episcopo 1. r. Magno Varadinensi, 25-ta mensis Augusti a. c. in aedibus Scholarum piarum Pestini inchoanda, et die 29-na e. m. horis matutinis concludenda omnes et singulos (quin ad comparendum cuiquam obligationem imponere velim) eo addito hisce in fraterna dilectione provoco: ut qui iisdem dictante conscientiae voce interessé voluerint, idipsum de tempore Districtuali V.A.Diacono, hic vero compariturorum consignationem, prout alii quoque interessé desiderantes nomina sua, Reverendissimo Andreae Liptliay E. M. S. Canonico et Generalis Seminarii Pestin. Rectori, qui, cum Antonio Szántófy V.A.Diacono et Ecclesiae Pesliensis ad S. Leopoldum Parocho — curas coordinationis fraterna dilectione in se assumsil, saltem decem diebus ante terminum inchoandorum Sacrorum Exercitiorum exhibere velint.

Denique comparituri die 25-ta Augusti a prandiis hora 3-a Pestini, in aedibus Clericorum MATRIS DEI adsint, et Breviarium cum Rosario, et uno aliove libro ascetico, Rochetum item et Stolam, atque in quantum molestum haud esset, pulvinar et tegumentum ac mantile secum adferant; aliis ibidem providendi.

Oremus! Fratres charissimi, quo una animi consensione, unoque Spiritu in iis adlabo- remus, ut depositis saecularibus vanisque sollicitudinibus, coelestium rerum meditationibus et orationi vacantes detergamus sordes vitiorum, et mundati ad aram altissimi reverti valeamus! Vide Domine! et sanctifica hoc desiderium. Datum Quinque-Ecclesiis in festo Visitationis B. M. V. die 2-ta Julii Anno Domini 1851-mo.