Circulares 1850-1864, Joannes bapt. Scitovszky de Nagykér, Archi-episcopus Strigoniensis, Regni Hungariae Primas
1859
Nr. 5036Pensa a membrií Soc. S. Stephan desumenda. Nr. 4865. Petrus S i m u- n y i obiit. 3 Quos, quamve salutares sibi Societas S. Stephani, scopo edendorum et 1 distrahendorum piorum et utilium librorum, sacrarum imaginum nec non scriptorum periodicorum e clericis et laicis ante decennium Pestini, sub Episcoporum Hungáriáé protectione adunata, ad formandos populi mores, vitamque christianam in familiis conservandam fines praestituerit, quo item cum zelo, qualibusque cum sacrificiis fines hos adusque prosecuta, fuerit ita, ut una occasionem quoque promte arripiat superabundantia lucri partem in opera christianae misericordiae impendendi, omnibus Vobis, sed cumprimis illis, qui numero membrorum eiusdem sex millia multum excedente adgregati, nummulis suis ad tam salutares Societatis huius fructus concurrunt, vel ex annuis de statu eiusdem publicari solitis relationibus sat superque compertum esse arbitror. Emolumenta e Societate hac in populum christianum redundantia nec Synodus provincialis, anno superiore Strigonii coacta ignoravit, ideoque speciale Decretum condidit, in quo reflexioni, qua se adusque dignam Societas haec exhibuit, per hoc satisfit, quod illic omnes de Clero et populo, praesertim vero illi, qui substantiam huius mundi maiorem habent, excitentur, ut nummos suos, ii vero quos Deus pluribus talentis ditavit, lucubrationes suas ad fines eiusdem promovendos ultro conferant. Sed vero fines hi obtineri tunc nisi possunt, si annuae symbolae in 3. finis 15. xris v. a. defixae, adcu- rate dependantur. Quare ad servandum expost debitum in colligendis annuis pensis ordinem, fundamento determinationis in Congregatione generali die 9-a Junii 1857-i latae, eo Vos inviandos duxi: ut a membris extra domicilium Agentis commorantibus annua haec pensa Curati ipsi desumant, atque una cum pensis suis, si aeque membra Societatis essent, cum pretio item praenumeratorum vel secus comparatorum Societatis librorum, pro hoc quidem anno, in quantum restarent, quo ocyus, deinceps vero, si citius non, saltem occasione autumnalis Congregationis VADiaconis consignent, concernentibus Societatis Agentibus, ope quorum libri expediuntur tradenda, a membris vero Strigonii et Tirnaviae inscriptis, fine admanuationis locali Agenti faciendae, si secus eidem secure submitti nequirent, Officio dioecesano extemplo transponenda. Strigonii die 16-a Decembris 1859. Petrum Simunyi, Administratorem Parochiae Köpösdensis, die 1-a Decembris anni curr. post suscepta moribundorum Sacramenta, anno aetatis suae 51-o ad aeternitatem evocatum esse, fine absolvendorum suffragiorum Vobis annuncio. Strigonii dei 4-a Decembris 1859. benevolus Strigonii, typis E, Horák.
