Circulares 1850-1864, Joannes bapt. Scitovszky de Nagykér, Archi-episcopus Strigoniensis, Regni Hungariae Primas

1858

Venerabili Clero Archi-Dioecesis Nostrae Strigoniensis

Salutem in Domino et paternam Benedictionem!

5216.

Quo Caes.-Kegii exercitus completatio in universo Imperio uniformiter decurrat, publicatae sunt ddto 29. Septembris anni curr. altissimae Patentales, legem circa qualiter statuendum militem sancientes, quae iam cum 1-a Novembris anni curr. vigorem nacta est.

E normis, quas lex ista complectitur, sequentes sunt Clero Curato, scitu et observatu necessariae:

1. De regula obligationi militandi intra defixas aetatis classes subiacet omnis civis Austriacus, nisi pro militia aperte inhabilis, aut ab hac legetenus exemtus sit.

2. Militandi obligatio incipit post completum annum aetatis vigesimum cum 1-Januarii proxime sequentis anni, et durat continuis septem annis, ita, ut septem classes statuendorum distingvantur; ad primam classem pertinent, qui vigesimum primum, ad secundam, qui vigesimum secundum aetatis annum agunt, et sic porro; completatio ordinarie fit e primis duabus classibus,

3. Pro militia aperte inhabiles censentur: amentes, hebetes, notabili corporis defectu (v, g. surditie,) aut incurabili aegritudine (v. g. morbo epileptico) laborantes. — Exemtione autem a militia in sensu legis gaudent: Sacerdotes et Clerici Catholici utriusque ritus, Religiosi professi et novitii, Theologi saeculares, quibus spes susceptionis in Clerum facta est; dein Ministri aliarum Religionum et Confessionum, Doctores omnium facultatum, Officiales Status, Studiosi, Professores et Docentes Institutorum publicorum, aut iure publicitatis gaudentium, huc intellectis etiam Docentibus et Subdocentibus scholarum popularium, dummodo eorum applicatio permanens sit,

4. Statutio quovis anno mensibus Februario, Martio et Aprili instituetur.

5, Hanc praecedere debet conscriptio statuendorum; in qua adornanda opera Cleri Curati in subsidium vocatur; in quantum is per respectivum Circuli Magistratu- alem officiose requisitus, e matricis iuxta subministrata formularia, pro praestituto termino conficit catalogum omnium illorum iuvenum, qui spectata aetate sua statutioni obnoxiantur, nec quidem iis exceptis, qui seu pro militia inhabiles, seu vero ab eadem lege exemti sunt, hi inquam etiam inferri debent conscriptioni, tum vero inhabili- tatem aut exemtionem suam congruis modis coram commissione Statutoria legitimare tenentur, quo praestito pro inhabilibus, vel immunibus a statutione ex officio declarantur. Signanter

6, Candidati status ecclesiastici suam exemtionem a statutione legitimare debent testimonio Ordinariatus, Fratres vero laici et professi Ordinum Regularium ad- testato concernentis Superioris religiosi; qui nihilominus si statum clericalem aut ordinem religiosum deserant, nisi ad alium simili exemtione gaudentem statum ad- scribantur, statutioni obnoxii fiunt, et quidem non solum in illa classe aetatis, ad quam tunc pertinent, sed per omnes praecedentes classes periculum Statutionis subire tenentur.

7, Possunt etiam exemtionem a statutione impetrare:

a) unicus filius patris septuagenario maioris, aut pro quaerendis mediis vitae ob insanabiles corporis aut animi morbos inepti, tum filius unicus matris viduae,

b) qui mortuo utroque parente superest nepos unicus, avi septuagenario maioris, aut ut supra, ad quaerenda vitae media inhabilis, vel aviae viduae.

c) frater unicus sororum orphanarum.

Hi tamen omnes, ut exemtionem dictam obtineant, legitimi esse debent, aut per subsequens parentum matrimonium legitimati,

d) qui post egressum e secunda classe, aut etiamsi prius cum licentia C. R. Officii Locumtenentialis matrimonium inivit, et secundam classem iam excessit, si in utroque casu uxor, vel proles vivat, et ille pro horum intertentione inevitabiliter necessarius est.

8, Nisi quis ab obligatione militandi se legitime exemtum comprobet, priusquam secundam statuendorum classem egrediatur,, id est vigesimum secundum aetatis annum compleverit, matrimonium civiliter licite contrahere nequit; et quamvis C. R, Loc. Officium per modum exceptionis gravibus ex causis licentiam ducendi facere possit, haec tamen ab obligatione statutionis in prima et secunda classe haud eximit,