Circulares 1850-1864, Joannes bapt. Scitovszky de Nagykér, Archi-episcopus Strigoniensis, Regni Hungariae Primas

1858

malorum moralium prolabendi periculis, ad hoc efficacissimum malorum remedium, Synodorum celebrationem confugeremus» Credite Fratres Charissimi! quoties dies vitae meae Episcopalis iam 30. annos excedentis in mente habeo, toties super eo contristor quam maxime, quod sollicitudini meae pastorali synodalibus consultationibus calcar impulsumque dare nequiverim; alioquin inimicus rebus sacris mundus, ut diutius in omnigena perversitate infelix genus humanum detineret, provide ad rem suam impedimenta ponere debuit, rie tollendo pernicioso morbo conciliorum edictis pharmaca parentur» Sit itaque gloria et perennis gratiarum actio Beatissimo Patri, Christi Vicario Pio Papae IX., et Augustissimo Imperatori, Regi nostro Apostolico Francisco Josepho, qui iunctis manibus, unitis viribus duorum saeculorum defluxu intermissam Conciliorum Provincialium celebrationem, remotis impedimentis, faciliorem reddiderunt, in vitam revocarunt.

Habemus itaque Dilectissimi, ineffabiiiter in Domino gaudendi et exultandi causam quam maximam, dum Vobis annuneiamus, quod Dominica XVII. post Pentec» in diem 19-am mensis Septembris incidente, anno hoc 1858» in Basilica Nostra Strigo- niensi Concilium Provinciale asservare decreverimus , iamque etiam omnes et singulos, qui de iure et consvetudine idmodi conventui intervenire debent, per Edictum Valvale evocaverimus. Gaudete itaque Vos quoque in Domino, et iterum dico, gaudete.

Quia autem sine divino Numine nihil est in homine — et quidquid possumus, possumus in eo, qui nos confortat, ad Vestras, creditorum que Vobis fidelium ferventes et frequentes confugimus preces! — Orate levatis in coelum oculis manibusque Charissimi! ut Spiritus Domini veniat ad Nos, illabatur cordibus nostris — doceat Nos, quid loquamur, quidve agamus. Sit solus et suggestor et effector consiliorum ac iudiciorum nostrorum. Sit initium et finis — sit Alpha et Omega nostrum!

Ad scopum hunc observabitis sequentia:

1- o Iuxta praescriptum Ceremonialis Episcoporum tribus Dominicis ante initium Concilii, seu Dominica XIV» XV. et XVI* edocebitis populum, quid sit Concilium, et quae utilitas Conciliorum; provocabitisque eum ad servandum ieiunium, tribuendam eleemosynam, sacramentorum frequentationem, et preces assiduas.

2- 0 Tribus his Dominicis et quoad duraverit Synodus Venerabile Sacramentum sub missa cantata exponatur*

3- 0 Singulus Sacerdos sub missa tam cantata,quam lecta, summát collectam: „Deus in Te sperantium fortitudo etc.“ ex Dom» I. post Pentec. —

4- 0 Dictis Dominicis sub pomeridiana devotione, aeque cum exposito Sanctissimo^ asservanda orentur Lytaniae de sanctissimo nomine Jesu cum oratione eadem „Deus in Te sperantium fortitudo“ lingva vernacula. Festo autem Nativitatis B, M* V. ducatur ad aliquam statuam, vel- Capellam Beatissimae Matris, aut saltem circa Ecclesiam, Processio cum Cantu Lytaniarum Lauretanarum et „Salve Regina“ ad implorandam protectionem Dei Genitricis pro Patribus Concilii»

5- 0 Post singulam missam parochialem orentur tria „Pater“ et „Ave“ cum supramemorata oratione. — Denique dupplicate preces, et gemitibus inenarrabilibus supplicate Domino ipsa inchoati Concilii Dominica: quatenus Nos in nomine Ipsius collecti et voluntate, et sermone et actione Eidem placeamus!!! Arnen!

Datum Strigonii festo Visitationis B. M. V. anno salutis millesimo octingentesimo quinquagesimo octavo, Episcopatus trigesimo primo, Archi-Episcopatus vero Nostri anno nono.

I

Strigonii typis E. Honik.