Circulares 1850-1864, Joannes bapt. Scitovszky de Nagykér, Archi-episcopus Strigoniensis, Regni Hungariae Primas
1857
Nro. 3980. S. R. E. TIT. S. CRUCIS IN HIERUSALEM PRESBYTER CARDINALIS t> DEI ET APOSTOLICAE SEDIS GRATIA METROPOLITANAE ECCLESIAE STRIGONIENSIS ARCHI- EPISCOPUS, SANCTAE SEDIS APOSTOLICAE LEGATUS NATUS, ORDINUM RELIGIOSORUM PER E CCLESIASTICAS PROVINCIAS STRIGONIENSEM, COLOCENSEM, AGRIENSEM ET ZAGRABIENSEM VISITATOR ET DELEGATUS APOSTOLICUS, INCLYTI REGNI HUNGÁRIÁÉ PRINCEPS PRIMAS, SUMMUS ET SECRET ARIUS CANCELLARIUS, INSIGNIS ORDINIS S. STEPHANI REGIS APOSTOLICI PRAELATUS ET MAGNAE CRUCIS EQUES, S. C. ET R. APOSTOLICAE MAJESTATIS ACTUALIS INTIMUS CONSILIARIUS, AA. LL. ET PHIL. NEC NON SS. THEOL. DOCTOR, ETC. ETC. Venerabili Clero Archi-Dioecesis Strigoniensis Salutem in Domino et Paternam Benedictionem! Ex quo principem Ecclesiae Hungaricae Cathedram adivimus, praeter alia innumera eo quoque direximus studia nostra, ut, quos Dominus ad Nostrum adjutorium in excolenda hac ampla vinea dedit, quietam et tranquillam vitam agentes glorificent DEUM Patrem Omnipotentem. Praecipua autem teneritudine illos fovere voluimus, qui ad vitae vesperam veniunt, quin vel amplioribus beneficiis gauderent, vel ob aetatis infirmitatem servitiis suis vitae media quaerere possent,, memores semper verborum apostoli: Qui bene praesunt Presbyteri, duplici honore. digni habeantur. (1. Tim. 5, 17). Quia tamen ipsa virium nostrarum limitatio non permittit, prout vellemus, ut in omnes prorsus benefici simus; quia dum omnes omnino ope et opera nostra juvare vellemus, reapse nulli prodessemus, eo quod facultates omnibus intentae ad singulos deficerent ; de erigendo quopiam Instituto meditabamur, ut hujus saltem membra temporalibus sufficienter providerentur. Id quod nemini grave videri potest, eo quidem minus, cum illis etiam, qui parcius providentur, pro humanae naturae conditione spes adfulgeat potiora stipendia obtinendi. Consilium hocce nostrum Anno adhuc 1854. die 14-a Octobris in Sessione Visitationis Ecclesiae Metropolitanae Strigoniensis Venerabili Nostro Capitulo aperuimus, pro laudabili suo salutaria instituta promovendi zelo concordibus votis ab eodem acceptatum; imo die 17-a Junii Anno 1855 idem Venerabile Capitulum 20,050 fin os CM, generosa charitate huic Instituto addixit. Nos ipsi quoque 20,000 Arum CM. oblatione Instituti fundum auximus. In nexu horum die 9-a Julii anni ejusdem 1855. omnes Archi-Diaconos Capituli Strigoniensis provocavinus, ut subditos sibi Districtus Vice-Archi-Diaconales ad augendum benefici hujus Instituti Fundum gravi oratione et paterna charitate alloquantur, Paterni Nostri consilii scopum totus Clerus agnovit, symbolasque suas in illa mensura contulit, quae et ipsorum piam liberalitatem palam loquitur, et Nobis abundantissimam consolationis materiam praebuit. Sit propterea benedictus DEUS et Pater Domini Nostri JESU Christi, qui hanc erga Fratres suos, imo erga semet ipsos in cordibus illorum excitavit charitatem. Neque aliud jam super esse videbatur, quam ut Commissio pro coordinatione Instituti, per Nos deputata, provincia sua defungeretur, Nobisque obtutus suos exhiberet. Id quoque factum est diebus 21-a et 22-a Aprilis anni curr. operatum hujus commissionis die 19-a Maji ad notitiam Cleri Archi-Dioecesani perferri curavimus, quo sic omnes, quid desuper sentiant, in Congregatione districtuali libera voce pandere possint. Advenerunt subin responsa ex omnibus partibus istius Archi-Dioeceseos. Quare die hodierna Venerabiles Fratres Nostros, Ecclesiae hujus Metropolitanae Strigoniensis Canonicos circa Nos congregavimus, ut in hac sessione et Distrigtuum Vice-Archi-Diaconalium sensa, et Venerabilis Metropolitani Capituli vota debitam in considerationem sumantur, ac ductu illorum Institutum praedictum stabiliatur et coordinetur, Lectis et auditis omnibus, quae praesens negotium propius concernunt, in Nomine Domine sequentia statuimus :
