Circulares 1850-1864, Joannes bapt. Scitovszky de Nagykér, Archi-episcopus Strigoniensis, Regni Hungariae Primas
1857
Venerabili Clero Archi-Dioecesis Nostrae Strigoniensis Salutem in Domino et paternam Benedictionem! "Vigore ministerialis Resolutionis sub 14-a Februarii emanatae, circa Conferentias Ludirecto- rum statutum est, ut sequitur : 1- o In iis Districtibus, ubi frequentior congregatio Ludirectorum cum difficultatibus conjuncta foret, semel saltem in anno coadunetur. 2- 0 Scopo respondentes quaestiones tam per C. R. Locumtenentem Sectionem, quam per Ordinariatum pro pertractatione proponentur. 3- io Officio Dioecesano, sensu puncti 8-i Resolutionis ministerialis ddto 26-ae Maji 1851. per districtuales scholarum Inspectores exhibenda relatio de hujusmodi congregationibus continebit a) nomen Districtus, b) diem, locum et directorem congregationis cum praeno- tatione, an pro toto Districtu, aut pro parte duntaxat illius celebrata sit, c) praesentium magistrorum et directorum nomina, d) indicationem pertractatorum objectorum, e) observationes occurrentes. 4- 0 Principii instar servandum, ut congregationes hae practicam maxime institutionem prae oculis habeant, a quaestionibus adiaphoris, eo non pertinentibus vero penitus abstineant. 5- e Pertractationi Sacrum solenne cum invocatione Spiritus Sancti, tum in ipso oeco congregationis hymnus Sacer et oratio praemittatur. 6- 0 Commendatur, ut Parochi hanc etiam adcommoclam occasionem ad religiosae cognitionis propagationem adhibeant, et fine hoc elucubrationes ex Historia Ecclesiastica aut liturgica praelegant. Cum hac dispositione ministeriali quaestiones aliquae, circularibus litteris meis ddo 3-tie Novembris 1856. Nr. 3925. pro discussione vobis propositae, non decidantur: C. R. Gubernii attentionem circa eas, imprimis relate ad sumtus hujusmodi congregationum suppeditandos provocare haud intermittam. Vobis autem impensius commendo, opportune agere velitis, ut ex congregationibus saepedictis, de quibus Vice-Archi-Diaconi usque finem Septembris cujuslibet anni ad me referendum habebunt, optata commoda in rem tam religionis quam institutionis publicae profluant. Strigonii die 19-a Aprilis 1857. Nr. 1765. C. R. Ministerium Cultus novos praescripsit ordines ratione librorum scholasticorum, qui inter egenos elementarium classium alumnos gratis distribuuntur. Cum dispositionibus his conformiter quarta pars omnium librorum, qui per concernens C, R. Officium distrahentur, gratuito distribuenda veniat, ideoque tanto plures pauperes scholares beneficii hujus participes reddendi sint, quo copiosius libri, per praelaudatum ministerium praescripti, vendentur: commendandum vobis censui, ut, eliminatis quibusve, si tales adhuc in scholis reperiuntur, libellis non praescriptis, eos ubique inducatis, quos altiores Ordines, alioquin obligativam vim habentes, pro classicis habendos praecipiunt. Strigonii die 19-a Aprilis 1857. Nr. 1827. Statione Capellani Castrensis penes 12-am C. R. Legionem pedestrem ab Archi-Duce Vilhelmo compellatam in vacantiam recidente: interpellatus exstiti ab apostolico Vicario Castrensi, ut pro complenda hac statione, provisioni Archi-Dioecesis meae obnoxia, qualificatum individuum ecclesiasticum praesentare velim. Quo id facere possim: provocandos vos praesentibus censui: ut si qui vestrum pro consequenda hac statione concurrere desiderarent: ii recursus suos quantocyus, usque finem futuri mensis Maji inomisse ad me promoveant. Requiritur autem in individuo, stationi huic admovendo, slavicae saltem et germanicae lingvae notitia. Strigonii die 22-a Aprilis 1857. Nr. 1837. Libri precatorii „Lelki Kalauz, elmélkedésre oktató imakönyv keresztény katholikus In vek templomi és házi használatára“ opera D. Gregorii Pelczmann, Ordinis S. Francisci Provinciae Marianae Presbyteri tertia editio novissime prodivit, cum sex iconibus chalybi incisis. Uno flno et 40 xr. CM. tum Pestini, tum in Cancellaria Dioecesana adquiri potest. Strigonii die 23-ia Aprilis 1857. Nr. 1856. Joannem Miiller deficientem presbyterum die 20-a curr. mensis aetatis anno 69-o pie in Domino obiisse, vobis hisce significando: animam ejus piis suffragiis vestris commendo. Strigonii die 23-tia Aprilis 1857. Benevolus Strigonii, typis Egydii Horak.
