Circulares 1850-1864, Joannes bapt. Scitovszky de Nagykér, Archi-episcopus Strigoniensis, Regni Hungariae Primas
1857
Nr. 1038. Venerabili Clero Arehi-Dioecesis Strigoniensis Salutem et paternam Benedictionem!-H-is diebus redditum est mihi Decretum Sacrorum Rituum Congregationis ddto 15-ae Januarii a. c. vi cuius Sua Sanctitas Summus Pontifex erga recursum meum benigne indulsit, ut festum S. Adalberti Ep. Mart, sed in Urbe dumtaxat Strigoniensi, deinceps semper Dominica 2-a post Pascha ritu duplici primae Classsis cum octava celebretur. Hoc ad notitiam tam Cleri quam etiam populi eo promptius perfero, quo magis desidero idem festum omni, qua potest, solennitate celebrare. Alioquin Sanctissimus Dominus noster pro festivitate S. Adalberti a primis Vesp. usque ad occasum solis diei eiusdem Basilicam Strigoniensem visitaturis, ac consveta poenitentiae opera aliaque praescripta peracturis, anno adhuc 1854. die 24. Nov. Indulgentias plenarias elargiri dignabatur. Strigonii die 6. Martii 1857. Nr. 1138. Psalmi Sacri, uti passim constat, tum natura sua, insolitae poesis regulis adcommodata, quum ob versionéin hinc et inde asperiorem frequenter intellectu difficiliores sunt. Gratum ergo servitium Clero Curato exhibuit Joannes Kopsz, Dioecesis Sabariensis Presbyter, editione operis, cui titulus „Psalterium Sacrum“, Scopus autem is praefixus est, ut psalmorum interpretationem probatissimorum auctorum ductu perficiat. Liber, quem omnibus commendo, in octavo majore procusus, 16. philyras numerat, et via praenumerationis, ad Cancel- lariarn meam ocyus dirigendae, uno floreno Conv. Mon. adquiritur. Strigonii die 11, Martii 1857, Nr. 1156. Novae in dies exurgunt, animosque multum agitant quaestiones, ratione contributionis proventu- alis, (Einkommensteuer) imprimis illius, quae a Capitalibus piarum fundationum pendenda est. Congruum mihi videtur eapropter, reflexe ad Circulares sub 7. Julii 1855. Nro. 2883. dimissas, uberiorem et quantum fieri potest, claram huius objecti explanationem Vobiscum communicare fundamento ministerialium resolutionum, hoc in merito partim ad me, partim ad C. R. Contributionalia officia emanatarum. Harum tenore omnis fundatio duplicem considerationem subit, quippe o b j e c t i v a m et subjectivam, idest aliam qua Capitale pro se ipso fructificans, aliam quatenus Census eius per illos, quibus competit percipiuntur. Primo sub obtutu proventus eiusmodi Capitalis ad tertiam, p r o s t e r i o r i respectu ad Secundam classem proventuum, patentalibus ddto 10. Martii 1851. stabilitam pertinent. Capitalia haec, quatenus ad tertiam classem pertinent, tunc solummodo contributioni obnoxia sunt, dum census fundunt 300 fl. annue superantes; ast quatenus ad secundam classemreferuntur, seu quatenus illorum census personae aliquae physicae aut morales percipiunt, hi ipsi census ad residuos, undecumque proma- nantes proventus eiusmodi personae addi debent, et si cum illis simul sumti summam 600 fl. superant, contributioni subsunt. E. g. pro missae sacrificiis persolvendis in parochia N. tres fundationes existunt, quarum prima 310, altera 200 et tertia 150 fl. annue fundit, quas pecunias omnes parochus percipit. Ex liis fundationibus solum primo loco posita solvet contributionem p r o v e n t u a 1 e m ad tertiam classem pertinentem, residuae duae ab hac pendenda immunes sunt, attamen et primae illius Census, qui post solutam contributionem parocho obveniunt, et duarum reliquarum interusurium, quod parochus integre percepit, inter reliquos eius proventus computantur, et quia cum istis simul sumta summam e. g. lOOOfl. efficiunt, ideo concernens parochus contributionem proventualem a 400 florenis, summam normalem 600 superantibus solvere debet iuxta Classem secundam, seu unum pro centum, solvet itaque titulo contributionis proventualis fl. 4. Hoc utique jam e meis circularibus litteris supra citatis notum tenetis, proventus e fundis immobilibus proma - nantes, in hanc proventualem contributionem referri non posse, ab his itaque distinctim contributio penditur. Quod attinet ad proventum stolarem: existimabam hunc ad proventus contributioni obnoxios non pertinere, tum ideo, quia patentales supracitatae de proventibus fixis agunt, quo nomine stolaris perceptio designari non potest, tum quia inter alias perceptionum species in iisdem patentalius, et Intimato Locumte- nentiali ddto 20. Nov. 1850. enumeratas non continentur. Jurisdictiones attamen financiales, aliarum provinciarum exemplo et hanc proventus speciem contributioni obnoxiam asserunt, quapropter et illum fateri oportebit. Strigonii die 12. Martii 1857. Nr. 1177. Josephus Dlhovszky parochus Kis-Tapolcsányensis, ita disponente Bonitate Divina, media inter 11 -am et 12-am curr. nocte apoplectico ictu placide occubuit, postquam in stadio huius peregrinationis 70, in parocliiali officio 40 annos impigre Deo servivisset, tanta sibi pro vita aeterna merita comparando, quantas per gratiam coelestem animas ab exitio liberavit, et ad salvationis aeternae portum devexit. Labore indefesso, fragilitatem senectae vilipendente exemplum dedit omnibus, a cunctis itaque fraternam recordationem, atque charitativum suffragium meruit. Strigonii die 14. Martii 1857. benevolus
