Circulares 1850-1864, Joannes bapt. Scitovszky de Nagykér, Archi-episcopus Strigoniensis, Regni Hungariae Primas

1857

Venerabili Clero Arclii-Dioecesis Vostrae Strigoniensis

Salutem in Domino et paternam Benedictionem!

"Vigore C. R. ministerialis resolutionis ddto 18-ae Februarii anni curr. Nr, 'M/<m a C. R. Lo- cumtenentiali Officio Budensi sub 9-a curr. mecum communicatae, sequentes personae, corporationes et instituta militaria jurisdictioni concernentium parochorum civilium subsunt, seu ad provisionem spiritualem Capellanorum Castrensium non pertinent :

1. Generales pensione provisi, etiamsi Regiminum militarium proprietarii forent.

2. Omnes stabales et superiores officiales (a locumtenente sursum versus) tum personae penes administrationem rei militaris adplicitae, qui et quae rude donati, pensione provisi, vel retento officii charactere e militia dimissi sunt.

3. Institutum educandis officialium militarium filiabus destinatum in Hernals prope V iennam.

4. Instituta educandis militum gregariorum filiabus destinata Szathmarinense et Vicnnen- se, in suburbio Erdberg.

5. Invalidi patentales, et cum resefvatione dimissi,

6. Personae civiles, quae in contuberniis, aut aliis aedificiis militaribus cum indultu militaris jurisdictionis quaestum, opificium exercent, aut cauponas tenent,

7. Militarium personarum viduae et orphani.

8. Militarium personarum, hoc elencho enumeratarum uxores, liberi et famuli,

9. C. R, Confinium militare, et Regimina confiniaria, nisi haec mobilisentur, et extra confinia constituantur.

Quodsi tamen personae militares, superius recensitae, ad activum servitium penes ejusmodi copias, instituta vel jurisdictiones militares, licet forte pro tempore solum adplicentur, aut si valetudinis curandae causa ad ejusmodi militaria sanitatis instituta recipiantur, quae castrensi jurisdictioni ecclesiasticae obnoxia sunt: ipsae etiam pro eo tempore eidem castrensi jurisdictioni ecclesiasticae subsunt. Ad hanc jurisdictionem pertinent etiam omnes pro tempere belli adpliciti magistratuales, medici ac chirurgi, aliaeque ad militiam quoquomodo spectantes, adeoque et illae personae status civilis, quae tempore belli penes copias militares commorantur.

Quae pro statu notitiae ac observantiae communicantur. Strigonii die 9-a Martii 1857.

Nr. 1271.

Josephus Verner, ad institutum emeritorum Parochorum pertinens presbyter, die 15-a curr. post pie suscepta ultima Sacramenta anno aetatis 58. ad aeternitatem migravit, cujus animam piis suffragiis commendo. Strigonii die 20-a Martii 1857,

benevolus

Strigonii, typis Egydii Horak.