Köblös József – Kránitz Zsolt (szerk.): A csurgói református gimnázium diákjai 1792–1867. - Csurgói Könyvtár XXV. (Pápa, 2018)

III. FORRÁSOK A CSURGÓI REFORMÁTUS GIMNÁZIUM TÖRTÉNETÉBŐL - 1. Iskolatörténeti feljegyzések

QUOD FELIX, FAUSTUMQUE SIT.

Cum anno 1800. die 19. Martii in oppido Csurgó commune consistorium sub praesidio spectabilis domini curatoris Stephani Sárközy ac reverendissimi domini prosenioris Stephani Szentgyörgyi celebraretur, ipseque eodem die munus suum auspicans clarissimus professor Paulus Császári verba faceret de constituendo examinis tempore et modo, omnes de ea re ita censuerunt, ut publicum quidem examen semel quovis anno haberetur, privata vero seu sic dicta rigorosa examina ad exitum singuli cursus semestralis per locale consistorium instituerentur. Ad hoc venerabilis publici consultum prima vice rigorosum examen institutum est diebus 17, 18, 19 et 20. Martii anni 1801. praesentibus spectabili domino Johanne Nagyváty, perillustri domino Carolo Vadnay fiscali, clarissimis dominis professoribus, utpote Paulo Császári scholae rectore et Gabriele Márton subrectore. De illo proinde sic referimus: videri quidem nonnullos discentium sequius studia sua tractavisse, non tamen subinde defuisse, quorum profectibus docentium diligentia satis probaretur.

Adjicimus tabellam classificationis:

[...]

Die 21. Martii anno 1801., ut recte et ordine res scholae procederent, certi officiales e numero maiorennium discentium constituti sunt. Illi vero sunt sequentes:

1. senior, qui scholae huius alumnorum excessus seu intra sive extra scholae limites observatos diligenter denunciare officii sibi duceret, praecones, cantores, dictatores singulas per septimanas constitueret, et quidquid legibus conformiter seu per consistorium seu per ipsum scholae rectorem ei demandaretur, id omni studio efficeret. Idem et cantum procurare tenetur.

2. praeceptores in classe secunda et tertia.

3. procurator, cuius officii rationes essent, eorum omnium, quae ad scholam pertinerent, curam habere; tum si quae necessaria aut utilia viderentur, horum etiam connotatio et apud rectorem scholae significatio.

4. provisor, qui ipsum alumnium rebus necessariis instruere, deque iis comparandis mature providere teneretur, nullam tamen absque scitu rectoris erogandi copiam facere auderet.

213