Köblös József: A pápai reformátusok küzdelmei a szabad vallásgyakorlatért a XVIII. század elején - A Pápai Református Gyűjtemények Kiadványai, Forrásközlések 8. (Pápa, 2005)
A közölt forrásokról
100 pariter in locis minus articularibus suum exercitium publicum introducere attendantes eodem plene exui, nobiles ibidem degentes ad privatum exercitium in articulo 26. anni 1681. et explanationibus regiis declaratum restringi; non secus reliqua etiam loca et pagos in quocunque comitatu, et praesertim Barsiensi adiacentes /:quorum nomine dicti Levenses etiam institissent:/, in quantum articularia non essent, publico religionis exercitio seu per dominos terrestres, seu magistratus comitatenses exui, ministros ad loca articularia remitti, commissionem porro in praecitato articulo 30. novissimae diaetae statutam respectu locorum articularium ac etiam comitatuum, ad quos priores regiae commissiones usque modo penetrare non potuissent, quales praesertim essent comitatus neoacquistici, quantocius per Maiestatem Vestram Sacratissimam ordinari, et per articulares commissarios inchoari, eosdemque de explanationibus regiis sufficienter instrui; denique Levensium modernos ablegatos contra sensum praecitati articuli 30. novissimae diaetae, non suo duntaxat proprio, verum totius Cis et Trans Granum fluvium adiacentis districtus nomine liberum exercitium solicitantes et contra explanationes regias /:quas toties citatus articulus 30. anni 1715. per voculam hactenus non subsecuturas, sed priores, in parte etiam in effectum, uti praemissum est, deductas intelligit:/ eundem et alios 1681. et 1687. diaetarum articulos in favorem sui longe alio sensu detorquentes et explicantes, Maiestatem vero Vestram Sacratissimam in eo, uti ipsi explicant, sensu eosdem articulos intellexisse, ac ita intelligi debere, eatenusque et taliter se in verbo regio et publica fide assecuratos esse asserentes, idque in memorialibus suis repetitis vicibus cum insolenti exaggeratione ingeminare praesumentes, si non arbitraria per Maiestatem Vestram Sacratissimam ipsis dictanda poena, ad minus promerita correptione domum remittendos; effectuationem denique occupandorum templorum et scholarum, ministrorumque ad loca articularia in articulo 26. diaetae Soproniensis specifice denominata juxta explanationes etiam regias relegandorum comitatensibus magistratibus clementer committendam et mandandam; ac ad alia quaecunque loca minus articularia, ac etiam ea, quae cessante confinio articularia esse desierunt, quale Jaurinum quoque reputandum veniret, extendendam humillime existimaret. Maiestatis Vestrae Sacratissimae humillima et obsequentissima Regia Cancellaria Hungarica Aulica Ladislaus Hunyady manu propria
