Hudi József (szerk.): Dunántúli egyházleírások a XVIII. századból - A Pápai Református Gyűjtemények Kiadványai, Forrásközlések 5. (Pápa, 2002)
Barsi egyházmegye
Barsi egyházmegye 211 Paria instantiarum eorundem Farnadiensium et Nagy Ölvediensium Sacratissima Caesareo Regia et Apostolica Maiestas, domina, domina naturaliter clementissima! Trement manus et cor exhorrescit nostrum Maiestatis Vestrae Sacratissimae conspectum humillima hacce nostra instantia de genu humillime adeuntium, verum Spiritus Sancti instinctu ingenita Maiestatis Vestrae Sacratissimae gratia atque clementia animati, si quidem pulsantibus aperiretur, et petentibus daretur, nullusque instantium in sua justa caussa a Maiestate Vestra Sacratissima repulsam ferie consuevisset, petimus itaque thesaurum infiniti ponderis Maiestati Vestrae sacratissimae detegentes humillime oratoria nostra cum libero religionis nostrae exercitio in possessionibus Farnad et Nagy Ölved inclyto comitatui Strigoniensi adiacentibus olim habita articulariter anno 1647. articulo 6- adiudicata et restitui praecepta fuisse, talem item restitutionis effectum authoritate quoque regia anno subsequente 1687. articulo 21— renovatum extitisse, anno demum 1715. articulo 30“ sub loelici gubernio dilectissimi piae memoriae genitoris Maiestatis Vestrae Sacratissimae eatenus condito ex absoluta potestate regia, [ex]246 gratia itaque et clementia sua secundum ibidem factam explanationem ademptorum oratoriorum nostrorum fiendam restitutionem non obstante quorumvis reclamatione indultam haberi. Quia vero, clementissima domina, quemadmodum praemissorum articulorum effectus hucdurn nullus esset, ita etiam nos oratoriis, liberoque religionis nostrae exercitio destituimur in plenum, et instar jumentorum educari cogimur, nostraeque proles in profundum tenebritatis delabuntur summo animorum nostrorum periculo. Subiecti quidem sumus dominationi plebani Nagy Ölvediensis, sed tyrannidem exercentis, hic enim (reliquos eius scandalosos excessus publicos dominorum Catholicorum detectioni relinquentes) proles nostras vi, potentiaque mediante, dolose, item fraudulenter rapere, et suae professionis consortes reddere non pertimescit, ut hoc attentare proximo ante Parasceves die anni 1768., et subseque sub initium mensis Julii in seductione filiolae Joannis Berinyi, subditi Farnadiensis haud verebatur, cum hoc nec apostolos, nec Salvatorem nostrum fecisse nuspiam legamus. Ast tales, qui convertendi fuissent, infinitis publice precibus profusis et indefessis concionibus ad suam devicerunt professionem, fides enim non nisi a solo Deo dari consuevit, nec a potentia hominis dependet. 246 Valószínű kiegészítés. A másoló a szövegben egy szónyi helyet kihagyott.
