Mohács előtti oklevelek a Pest Megyei Levéltárban. Átiratok és regeszták - Pest Megye Múltjából 12. (Budapest, 2007)
Oklevélszövegek és regeszták - 36. Fejér vármegye - 1488. augusztus 18.
37. Fehérvári keresztes konvent - 1493. február 28. Csigleri Mihály a fehérvári keresztesek előtt egy bizonyos Fejér megyei rétjét eladja Helgyesi Miklósnak. Eredeti, szakadt, selyemzsinóron függő sérült viaszpecséttel, 34,2 x 22,5 cm, PML IV 71. No. 4L, DF 280112 Mihály Csigleri sells a part of his meadow located in Fejér county to Miklós Helgyesi in the convent of the crusaders of Fehérvár. Vor den Kreuzrittern von Fehérvár verkauft Mihály Csigleri eine bestimmte Wiese im Komitat Fejér an Miklós Helgyesi. Az oklevél szövege: Conventus cruciferorum ordinis sancti Johannis Jerosolmitani domus hospitalis ecclesie beati regis Stephani de Alba omnibus Christi fidelibus presentibus pariter et futuris presentium notitiam habituris salutem in omnium salutis largitore. Ad universorum tarn presentium, quam futurorum notitiam harum serie volumus pervenire, quod nobilis Michael de Chygler onera Johannis, Dionisii filiorum ac puelle Veronice filie aliorumque quorumlibet fratrum proximorum et consanguineorum suorum in subscriptis super se assumendo coram nobis personaliter constitutus sponte confessus est in hunc modum, quod ipse quoddam pratum suum hereditarium intra metas dicte possessionis Chygler in comitatu Albensi existente habitum ad fluvium Sariwyze intra adiacentem ac tempore aquouso ad quatuor falcastra hominum vel paulo plus per diem sufficente se extendentem simul cum fluviis, aquis, piscaturis, fossatis, insulis et arundinetis inibi existentibus, quibus omnibus ab orientali comiti Chak de dicta Chygler, ab occidentali nobilium de Ladan similia prata ac insule et arundineta et a meridionali partibus terre arabiles prefati Michaelis de Chygler dicuntur vicinarii, dempto uno fossatu seu meatu aque piscaturie vulgo Gath in dicta insula ipsius prati adiacente quod quidem meatum seu fossatum ipsius aque piscaturie iidem Michael de Chygler ubi maluerint pro se et suis heredibus universis erigere, parare possidereque et habere voluit in perpetuum possidendum nobilibus Nicoiao Helgyey in superioribus aquis calidis Budensibus commoranti ac domine Dorothee consorti sue pro quatuordecim florenis auri puri hungaricalibus boni et iusti ponderis, plene ut dixit ab eisdem receptis et levatis dedisset, vendidisset et perpetuasset immo dedit, vendidit et perpetuavit nostri in presentia eisdem ipsorumque heredibus et posteritatibus universis iure perpetuo et irrevocabiliter tenendum, possidendum pariter et habendum tali conditione mediante, quod dum et quando prefatis heredibus ipsius Michaelis de Chygler facultas redimendi suppetent, extunc depositis predictis quatuordecim florenis auri per prefatosque Nicolaum Helgyey et dominam Dorotheam consortem suam ac eorum heredes absque omni difficultate acceptis levatis iidem dictum pratum ipsis heredibus prefati Michaelis de Chygler libere et pacifice ac absque omni litis motione remittere et resignare deberent et tenerentur, assumens insuper prefatus Michael de Chygler oneribus quorum supra in se assumptis annotatos Nicolaum Helgyey et dominam Dorotheam consortem suam ipsorumque heredes et posteritates universos in pacifico dominio dicti prati ab omnibus impetitoribus legitimis propriis suis laboribus et expensis protegere, tueri, defensare, conservare. In cuius rei memóriám firmitatem perpetuam presentes litteras nostras privilegiales pendentis et authentici sigilli nostri maioris munimine roboratas prefatis Nicoiao Helgyey et domine Dorothee consorti sue communi iustitia suadente duximus concedendas. Datum feria quinta proxima post dominicam Invocavit anno Domini millesimo quadringentesimo nonagesimo tertio religiosis Ladislao vicepreceptoris, Michaele lectore, Martino cantore et Stephano custode ceterisque fratribus predicte ecclesie nostre existentibus.
