Pest-Pilis-Solt vármegye országgyűlési követutasításai a 18. században - Pest Megyei Levéltári Füzetek 38. (Budapest, 2015)
II. Szöveggyűjtemény
postalibus et tricesimalibus, in quibus pauci Hungari contra sensum articulorum 15. 1546, 11. 1655, 15 et 42. 1741. applicati habentur, quae praeteritio gentis Hungarae in pedestri etiam militia observatur, quae licet subsidio Hungarorum erecta, ad Patriae defensionem alatur, prima nihilominus officia et dignitates ipsis anhelare solum et vix unquam consequi datum et id ipsum difficilem sane reddit conscriptionem tyronum, dum non nisi alienigenae, cum quibus gregarius ne loqui quidem potest officiis praeponuntur, ideo in sensu praecitatorum articulorum praecipua Hungarorum applicatio sollicitabitur. 17. Officium generalis postarum magistri per Hungáriám a reliquis provinciis abstrahatur et nationali Hungaro benemerito ad praescriptum articuli 22. 1715. conferatur, stabilisque norma in re officii diaetaliter elaboretur. Quo accederet pretium litterarum postale in parte jam immutatum et fors magis etiam immutandum, nempe ut ad quem eae mittuntur (plene immuni eas mittente) integram taxam postali officio numeret, hoc sane litteras recipientibus velut summe onerosum multasque inconvenientias in tempore producturum, ut ab effectu sistatur, atque patentalium vices, officium postale non subeat committendum erit. 18. Proventus regales ut sunt bonorum cameralium vel ipsorum etiam coronalium, item, de montanis, urburis, cusionisbus, monetarum provenire soliti, ad exigentiam articulorum 6. 1439, 16. 1723 idoneis et benemeritis regnicolis, in arendam vel administrationem conferantur. 19. Tallerorum ob multas fraudes et damnosas lucri causa cum extraneis permutationes ea in regno penuria observatur, ut etsi articulis 8. 1555, 9. 1723. vetita sit eorum e regno eductio, vix tamen aliquando potestas monetae ejus haberi possit, porro ad evitandas usurarias ejusmodi in detrimentum regni fraudes mulctam in similes tam videlicet cum faenore permutantes, quam etiam efferentes hoc amplius, quod maxima in parte ii, ad manus infidelium deveniant, praesentaneam(?) eamque gravissimam constituere oportebit. In reliquo effectus articuli 12. 1741 quoad erigendam Budae domum monetariam cum restabilienda tavernicalium regalium activitate urgebitur. 20. Cupream illam monetam a cujus usu anno adhuc 1526. articulo 35. regnum sibi cavit, largiore in dies incremento, tam in numero, quam valore multiplicari sentimus, dum major a pondere incommoditas, quam a pretio utilitas enascitur. Et vero, dum hujus cursus, non ita pridem induceretur valor, non nisi in uno crucifero vel nummo substitit, nec ultra emersurum ab incommodo usu sperare potuimus, jam autem in polturas etiam excrevit, et utinam hodie, cras majores quoque monetas non repraesentet. Ejus tamen multiplicatio tanto magis elevatio non alium effectum producet, quam commercii, quod satis alioquin in regno hoc vile est, periclinationem et melioris monetae imminutionem. Suplicandum itaque erit Suae Majestati, ne elevatiorem, quam qualem unus crucifer aut nummus exprimit cupreae monetae valorem addi, sed neque ut articulo 32. 1741. plene derogetur, multiplicari permittat. 21. Onerosa et praejudiciosa pretii salis elevatio quae his annis cum aggravio nobilitatis ac plebis et fortassis minori, quam ante, regis etiam commodo citra diaetam extensa est, reduci et articulo 34. 1741. conformari petetur, ne vero abhinc sal terrae 76
