1832-1836 Irományok 1. • Acta miscellanea diaetalia annorum 1832-1835 / [s.l.] / [s.a.] / [1832-1835]
42. ülés 57. sz. alatt Kegyelmes Királyi Levél a K. Kir. Előadások és előleges nehézségek tárgyában tett felírásra
J2. Ülés írásai. am tione Sua de dilatis praesentibus Comitiis memorant, eo majori cum displicentia accepimus, quod inde doloris per Easdem petatur argumentum, ubi quam maxime perspicua Nostrae in propria etiam Dilectionis, Fidelitatum que Vestrarum vota propensionis, constantisque Nostrae in explenda sponsione Nostra Regia voluntatis testimonia exstant. Ita Nobis conscii, dum promtam gratitudinis vicem, et in secundandis sinceris Nostris in promovendam prosperitatem publicam studiis. Dilectionis, Fidelitatumque Vestrarum solertiara haud defuturam , Nobis jure pollicebamur, celare non possumus, graviter omnino Nobis et id accidisse, trimestre id, et quod excedit, temporis intervallum, quod inde ab auspicatis Comitiis his in praesens usque intercedit, non obstante eo, quod jam e Comitiis 1807. demissa ddto 30. Oct. anni ejusdem Repraesentatione declaratum fuerit, illud esse praecipuum Gravamen, quod regnicolarium Deputationum, per Articulum 67. 179°/, ordinatarum, Opera diaetaliter revisa non sint; nunc tamen, dum indefessis Nostris curis Dilectio, Fidelitatesque Vestrae, voti compotes redditae, huic revisioni pro legali Sua obligatione incumbere deberent, neutiquam in ipsum, propter quem Diaetam hanc ante tempus legale institui fecimus, realem scopum, et meritoriam Elaboratorum Systematicorum pertractationem impensum haberi, sicque Vos hucdum nec paternis Nostris intentionibus, unice in perennem percarae Nobis gentis felicitatem directis, nec disertis Articuli 6. 1830. tenoribus, quibus Comitia haec revisioni Operatorum Systematicorum destinata sunt, respondisse. Quantum ad Operatorum pertractationis seriem attinet: etsi ad ipsos benignarum Nostrarum Propositionum tenores, allataque inibi rationum momenta, quibus ducti, primum Urbariale, mox Judiciaria, ac dein Contributionale-Commissariaticum in discussionem summi desideravimus, provocare sufficeret; pro candore tamen paternarum intentionum Nostrarum non moramur Dilectioni, Fidelitatibusque Vestris ultro benigne declarare, eam animi Nostri sententiam, ex qua jam medio benignae Nostrae ddto 10. Novembris 1807. Resolutionis, desiderio Dilectionis, Fidelitatumque Vestrarum, arbitrii in re justitiaria aberrationibus jam tunc modum poni anhelantium, itidem prorsus cohaerenter, hoc ipsum Operatum inter maxime urgentia retulimus, per experientiam temporum , exinde evolutorum, molemque recursuum in dies increscentem amplissime oonfirmatam esse, — ut adeo seu nexus, qui inter Judiciaria, Urbariale item, et alia Elaborata intercedit, seu ratio complurium urgentissimarum provisionum, quae jam sub proxime praeteritis Comitiis pertractandae erant, medio tamen humillimae Repraesentationis Vestrae de 23. Novembris 1830. in praesens tempus systematicae juridicorum pertractationis differendae petebantur, spectetur, ad praecipuas muneris Nostri Regii partes pertineat, huic in juridicis elaborato, cujus pertractationem impensa ei per Regnicolarem Deputationem praeclara opera haud modicum facilitat, mox post Urbariale assumendo, insistere ; absque enim recta justitiae administratione omnia fluxa sunt, et incerta; haec quippe est illa firmissima basis, cui prosperitas publica tute superstruitur, plurimumque ad sortem contribuentis non secus, ac universorum regnicolarum feliciorem reddendam confert, — et nisi justitiae administratio ad eum perfectionis gradum evecta fuerit, ut non Mercantile modo creditum, verum in genere quaevis pacta et stipulationes plenum in
