1832-1836 Irományok 1. • Felséges Első Ferencz Ausztriai Császár, Magyar és Cseh Ország Koronás Királyától Po'sony szabad királyi várossába 1832-ik esztendőben, karácson havának 16-ik napjára rendeltetett Magyar Ország' Gyűlésének Írásai. / Po'sony / Nyomattatott Wéber, Belnay és Landerer'nél / 1832-1836
1832 / 2. ülés
Acta Sessionis 2. 5 Eandem itaque desiderare, ut Domini Status et Ordines, dum operatum urbariale superatum fuerit, pertractandis operatis juridicis ea, qua par est, assiduitate Semet devoveant, et, in quibus coaluerint, altissimae Suae sanctioni Regiae substernant. Provisione Articuli 4. 1498., quatenus eadem cum dignitate et sanctimonia officii Judicis componi nequit, abroganda. — 111. Proxima liis altefatae Suae Caesareo-Regiae Majestatis cura ad praestabiliendam demum justam onerum, plebi tributariae incumbentium proportionem, impositas item cassae Comitatuum domesticae, quarum impensae in compluribus Comitatibus ipsum ordinarium quantum contributionale, pro intertentione stabilis militiae destinatum, superant, ex justo, et aequo moderandas spectat. Quocirca, quemadmodum Sua Majestas Caesareo-Regia Ipsos quoque Dominos Status et Ordines pari teneri studio non dubitat, ita benigne Eandem velle, ut Contributionale - commissariaticum una cum operato Regnicolaris Reputationis, Articulo 7.1827., de regni conscriptione pro adjustatione portarum deservitura, condito, exmissae, bis vero debite pertractatis, ea, quae residua sunt, elaborata, utpote: Publico-politicum, Commerciale, Montanisticum, Literarium, Ecclesiasticum ac Banderiale in deliberationem sumantur. — IV. Quum praevidere sit. Comitia haec ultra legale tempus longius duratura esse; altefatum Suam Majestatem Caesareo-Regiam, quod ad diurna Ablegatorum Comitialium attinet, majorem in modum desiderare, ut Domini Status et Ordines, justa sortis contribuentium reflexione hoc ipsum exposcente, circa diurna eadem, per quos, et qua in proportione ferenda? jam nunc deliberent, dignamque generositate gentis et in classem illam, quae pro ratione conditionis suae multifariis praestationibus gravatur, sublevandam sollicite intentis studiis suis faciant declarationem. — V. Posteaquam per Suam Majestatem Caesareo-Regiam ad id, ut Reputationes regnicolares, sub Comitiis anni 1827. articularitcr nominatae, Commissiones item limitaneae delata sibi provincia fungi potuerint, erga interpositas eatenus per Suam Serenitatem Caesareo - Regiam, Archiducem, Dominum Regni Palatinum vices, in defectu cassae regnicolaris, ex aerario suo camerali ad vires 202,000 florenorum 29 */I0 cruc. convent, monetae benigne resoluta anticipatione subventum haberetur; cupere Suam Majestatem Sacratissimam , ut, altissimo aerario cetcroquin multifariis expensis gravato, Domini Status et Ordines regni de ocyori praeattactae anticipationis refusione provideant; rem autem Suae Majestati Sacratissimae gratissimam praestituros esse, Vi illum hac in parte modum iniverint, ut nullum exinde in contribuentes onus redundet. — Et haec sunt, quae Sua Caesareo-Regia Majestas cum eo benigne jusserat proponenda, Eandem altefatam Suam Majestatem benigne Sibi polliceri: Dominos Status et Ordines id, quod ab Iisdem propriae non minus incolumitatis Studium, quam felicitatis posterorum cura poscit, urgetque, ea virium contentione acturos esse, ut, quantum quidem fieri potest, ipsi etiam temporis compendio consulant, Suaeque in deliberando providentiae constantis una assiduitatis, solertiaeque pretium addere nitantur. — In reliquo summefata Sua Majestas Caesareo-Regia Iisdem Dominis Statibus et Ordinibus gratiam et Clementiam Suam Caesareo-Regiani hisce benignissime confirmat. Per Sacram Caes. et Regio-Apostolicam Majestatem. Posonii, 20. Decembris 1832. Georgius Rartal mpr
