1830 Irományok • Acta Comitiorum Regni Hungariae a serenissimo, ac potentissimo Imperatore, Hungariae, et Bohemiae Rege Francisco Primo in Liberam, ac Regiam, Civitatem Posoniensem in diem 8. Septembris Anni 1830. indictorum. / Posonii / Typis S. Ludovici Weber / 1830
Sessio 3
2f> 3. Ülés Írásai. decrevit. — Secundo. Ad explenda diuturna altefatae Suae Majestatis Sacratissimae, ac Dominorum Statuum et Ordinum Regni Vota, interest quam maxime, ut Operata, in consequentiam Articuli 67. 1791. elaborata, et per Regnicolarem Art. 8. 1827. exmissam Deputationem sub sapientissiina Suae Serenitatis Caesareo-Regiae, Archiducis, Domini Regni Palatini, Directione, novitus et sollicite expensa, systematiceque redacta, ocyus in diaetalem deliberationem sumantur , nec quidquam altissimis Suae Majestatis Sacratissimae intentionibus esset magis gratum, quam, si discussio haec nunc e vestigio occipi, et ep, in quibus inter Eandem, et Dominos Status et Ordines Regni conveniretur, in Legum etiam Tabulas referri possent; — quum tamen, prout Sua Majestas Sacratissima jam benignis Regalibus suis declaraverat, Ipsa etiam perspiciat, in gravissimam hanc maximi ad ulteriora prosperitatis incrementa, momenti, rem pro ea providentia, quam sapientia Legislationis requirit (dum salva avitae Constitutionis compage, pro ratione mutatorum adjunctorum, exindeque enatae necessitatis, in coordinanda publica administratione salutares condi intenduntur leges) debite tractandam ,• consiliis solum mature libratis agi posse; Eandem altefatam Caesareo-Regiam Majestatem ultro benignissime largiri: ut praestita per exmissam Regnicolarem Deputationem, in conformitate praecitati Articuli 8. 1827. relatione, systematica ejusdem elaborata tvpis committantur, futuris Comitiis, quae in specie pertractationi eorundem destinat, et in diem 2-dam Mensis Octobris anni proxime affuturi 1851. in liberam Regiamque Civitatem Posoniensem inomisse convocatura est, una cum operatis deputationum Art. 7 — 9. — 50. et 31. nupernae Diaetae exmissarum in pertractationem sumenda. — Tertio. Robur et vigorem Legionum Huugaricarum tempore etiam pacis tum per mortem, tum vero per crebras eorum dimissiones, qui in sinu familiae suae scopo sustentandae rei domesticae necessarii sunt, aut senio, aut viribus fracti, armis gerendis inhabiles redduntur, periclitari , hocque defectu in exercitu, cui a tanto jam tempore nova Virium accessione subventum haud est, suapte in dies magis, magisque increscente, sensim collabi oportere — altefatae quidem Suae Majestati Caesareo-Regiae pridem perspectum fuerat; pro sua tamen in manutenendis legibus Art. 4. novissimae Diaetae confirmatis, constantia, hanc etiam, a longiori licet tempore urgentem subsidii in tyronibus necessitatem, tractatui horum Comitiorum reservavit. Quum itaque Legiones eaedem, spectato tam numero, quam etiam qualitate residui militis, partim aetate, partim fatigiis continui servitii confecti, reipsa ita jam nuilc accisae sint, ut ad sustentandam propriam nomini Hungaro bellicae fortitudinis gloriam necessariae iisdem validae suppetiae, sine justo impendentium gravissimarum perplexitatum metu, in longius differri prorsus nequeant; hinc Sua Majestas Sacratissima muneri suo Regio satisfactura tanto detrimento, via hac legibus praescripta consulere, efficacemque mox opem ferri desiderat; — benigne proinde confidere Suam Majestatem Caes. Regiam Dominos Status et Ordines pro ea, quam in promovendis, ad communem tanLum salutem directis, Paternisque intentionibus Regiis, aemula Majorum contentione, semper adhuc testati sunt, promtitudine, gravissimae huic Ejusdem sollicitudini, tenerrimo in obser-
