1830 Irományok • Acta Comitiorum Regni Hungariae a serenissimo, ac potentissimo Imperatore, Hungariae, et Bohemiae Rege Francisco Primo in Liberam, ac Regiam, Civitatem Posoniensem in diem 8. Septembris Anni 1830. indictorum. / Posonii / Typis S. Ludovici Weber / 1830

Sessio 1

18

I, Ülés írásai.

Suis Majestatibus mensae assidentibus, Sedes Majestatibus quidem Caesareo-Regiis per Supremos Aulae Praefectos, Suae vero Majestati Regiae per Cubiculariorum Regalium Magistrum admovebitur.

Magister Curiae tollet de Capite Suae Majestatis Regiae Coronam, eamque deponet ad mensam eo fine praeparatam, pelvimque auream ibidem existentem, penes quam Domini Custodes Coronae tamdiu remanebunt, donec Sua Majestas post mensam Coronam rursum apposuerit.

His peractis considebitur, ac Suae quidem Majestates Caesareae ad caput mensae, iisdemque ex parte dextra Sua Majestas Regia, in sedibus auro et argento divitibus, Serenissimus autem Archi-Dux Dominus Regni Palatinus primum in sinistro mensae latere locum habiturus, super rubro bissino, Auro obducto , caeteri vero hospites, nimirum Dominus Primas Regni, Nuncius Apostolicus , et Archi-Episcopus Colocensis super Sedibus ligneis, bissinis tegumentis, et Aureis fimbriis obductis sedebunt.

A tergo Suae Majestatis Regiae subsistent Magister Curiae, baculum manu tenens, Cubiculariorum item Regalium Magister, et Nobilis Turmae Praetorianae Capitaneus.

A tergo autem Suae Majestatis Caesareo-Regiae Vices-gerens Supremi Aulae Praefecti, Turmae Caesareae, et Satellitum Capitanei.

Post tergum demum Suae Majestatis Caesareo-Reginalis Aulae Ejusdem Supremus Praefectus.

Sub prandio erunt concentus musici.

E bove, in specialiter erecta ad id gaza assato, adferetur a Dapiferorum Regalium Magistro ad mensam Caesareo-Regiam frustum, bos vero cedet populo.

Is on procul abinde fluet etiam ex suggesto ad id constructo rubrum, et album vinum, projicietur praeterea inter populum panis, ad extremum vero relinquetur et gaza, et Theatrum populo.

Ad primum Suae Majestatis Regiae potum surgent quatuor hospites, et Tormenta exploduntur quarta vice. Quotiescuuque Suae Majestates Caesareo-Regiae biberint, manebunt hospites tamdiu stantes, donec poculum restituatur.

Bellaria quoque, prout Cibi adferentur per Magnates et Nobiles, et dum ad signum per Suam Majestatem Caesareo-Regiam de prandio terminato benigne dandum, bellaria iterum absportari coepta luerint, surgent quatuor hospites, inque locis suis tamdiu stabunt, dGnec Se Suae Majestates ablatis bellariis, levaverint.

Corona Regni apponitur per Magistrum Curiae Suae Majestati Regiae adhuc sedenti, qua apposita, Suae Majestates surgunt de mensa, Dominusque Archi-Episcopus Colocensis orat „Deo gratias.“

Postea revertentur Suae Majestates in Comitiva quatuor hospitum, Ministrorum, Aulicorumque et Magnatum ad Conclave, recedentibusque abhinc hospitibus, Cubiculariorum Magister, junctim cum Camerariis servitium habentibus Majestati Regiae Coronam, et Colanam desumit, cumque paludamento Regio ad reliqua Insignia deponit.

Aulicae illustriores Dominae ad Servitia Suae Majestatis Imperatricis destinatae, Ministri, Barones Regni, Episcopi, Magnates, Statusque et OO. ad assignatas eisdem mensas pransuri sunt.

Revisio autem Insignium , eorumque recepto more sigillatio, seu eodem adhuc, seu alio Clementissime praefigendo die instituetur.

v