1825-1827 Irományok 2. • Acta Comitiorum Regni Hungariae a Serenissimo ac Potentissimo Imperatore, Hungariae, et Bohemiae Rege Francisco Primo in Liberam, Regiam Civitatem Posoniensem in diem 11. Septembris Anni 1825. indictorum. / Posonii / Typis S. Ludovici Weber / 1825-1827
1827 / 215. ülés
ACTA SESSIONIS CCXV. * *47 Majestatis existentis, in arduis temporum adjunctis non minore, erga avitas patriae institutiones, ac ipsius Summi Terrae Principis servitium ardore probata existimatio, propius petitur, ita attemperare, ne mediate ipsa plane suprema aulhoritas Regia feriatur, bac consideratione firmius adhuc convicti, ad propositum scopum, obtinendam quippe desideratam in praeambulo legalis activitatis circumscriptionem, copulatorumque particularium Gravaminum medelam, multo amplius collaturum existimarent, si praemissa generica solum et indefinita mentione ejus, quod Gravamen hoc in passu e Comitiis Annorum 1807. et 1811. propositum, cujus redactioni Inclyti Status et Ordines nunc etiam adhaerere videntur, resanatum esse Regnicolae nec in hodiernum experiantur, mox particularia Gravamina, quorum resanatio in specifico postulatur, subnecterentur; quamobrem Communis desiderii fiducia Inclytos Status et Ordines ultro etiam et sollicite interpellant, ut convenientiae non minus, ac utilitatis motivis suffultae huic convictioni suum jungerent sensum. Quod vero subnexa particularia Gravamina concernit, relate: Ad 3. Quemadmodum inspectionem in eo, ut legales mensurae ac justa pondera ubivis adhibeantur, Magistratibus Comitatensibus Lege concreditam esse, in casibus autem abusuum et excessuum circa exercitium Juris privilegialis enascibilium, eorum, legali sua via instituendam vindicationem Jurisdictioni peraeque Comitatensi attributam esse, Sua quoque Celsitudo Caesareo-Regia et Excelsi Proceres plene assentiuntur, pari nihilominus tuendae cujusvis proprietatis et Juris rebus suis libere utendi studio, Civitates quoque Lib. et Reg. in usu privilegialis sui Juris manuteneri cupientes, neque nunc producta Altissima Resolutione convinci possunt, activitatem Taxas Staterae limitandi, seu vigore illius, seu positiva Lege Comitatibus delatam esse, ideoque sensui suo ultro inhaerentes, Inclytos Status et Ordines porro provocandos esse arbitrantur, ut objectum hoc eodem commodis et securitati Publici prospiciendi e respectu, ad Systhematicam pertractationem relegetur. Ad 5. propositioni Inclytorum Statuum et Ordinum hoc in puncto adstipulantur. Ad 7. Objectum discussionis e speciali Comitatus Bihariensis Gravamine reflexe ad Substitutum suum Vice-Comitem proposito, obortae, in systhematica solum Operatorum Deputationalium revisione meritorie pertractari et definiri posse, exemplo etiam priorum Comitiorum ultro ac plene persvasi, pro interimali duntaxat provisione, Postulatum ea ratione proponendum esse autumant : Suam quippe Majestatem Sacratissimam demisse exorari, Supremo» Comitatuum Moderatores eo inviandos esse, quo in futuris similibus casibus, emergente nimirum indispensabili necessitate actum surrogationis auditis solummodo pravie Statibus suscipiant.
