1825-1827 Irományok 1. • Acta Comitiorum Regni Hungariae a Serenissimo ac Potentissimo Imperatore, Hungariae, et Bohemiae Rege Francisco Primo in Liberam, Regiam Civitatem Posoniensem in diem 11. Septembris Anni 1825. indictorum. / Posonii / Typis S. Ludovici Weber / 1825-1827

1825 / 1. ülés

nabit. Hoc tempore Serenissimus Archidux Palatinus cum Adjutorio Curiae Regiae Magistri Coronam Regni e Capite Suae Majestatis Sacratissimae deponet, eandemque ad Aram majorem collocabit.

Dum autem Versus „ut omnibus fidelibus defunctis“ recitabitur, Sua Majestas Reginälis faciem attollet, et genu flectens usque finem Litaniarum et Orationum permanebit, quibus terminatis Consecrator ad Praescriptum Pontificalis Sacro oleo per Ceremoniarum aulicum porrecto dextrum Suae Majestatis Reginalis Brachium bis, et inter Scapulas Eandem Majestatem semel unget, occasione hac Suprema Aulae Praefecta Syrma vestis manu tenens dextrum, Supremus autem Aulae Praefectus sinistrum Reginalis Majestatis latus stipabunt, Conjux autem Judicis Curiae Regiae cum reliquis PalaliiDamis servitia praestabit.

Unctione peracta concedet Sua Reginalis Majestas per Supremum Aulae Suae Praefectum ducta , cum duobus Assistentibus Episcopis et Comitiva muliebri post Altare pro detersione.

Quo facto Sua Majestas Reginalis dentio ad Aram majorem revertetur, et super eodem gradu Altaris ad pulvinar flectet, ejusdemque Capiti EpiscopusVeszprimiensis Coronam Domesticam a Supremo Aulae Praefecto sibi traditam imponet.

Serenissimus autem Archi-dux Palatinus Coronam Regni ex pulvinari tollet, eamque Consecratori Domino Regni Primati consignabit, qui cum adjutorio Serenissimi Archiducis Palatini Coronam ad dextrum Suae Reginalis Majestatis humerum apponet, moxque abinde reductam Serenissimo Archi-Duci Palatino restituet, per Eundem opitulante Magistro Curiae Regiae capiti Suae Majestatis Sacratissimae rursum imponendam.

Coronatione hac ratione peracta, Consecrator dextrae Suae Regiualis Majestatis Sceptrum, sinistrae vero Pomum tradet, et eandem per Supremum Suum Aulae Praefectum ductam in Comitiva Assisstentium Episcoporum sub sono Tubarum et Tympanorum ad Thronum comitabitur, et in superiori gradu a dextris subsistet, hymnum „Te Deum“ decantabit, quo facto Campanae compulsabuntur, et tam Sclopetis , quam Tormentis primum Salve dabitur.

Decantato Hvmno Dominus Regni Primas se rursus ad Altare conferet Assistens vero Episcopus Veszprimiensis Coronam Domesticam de Capite Suae Reginalis Majestatis demet, Eandemque Supremo Aulae Praefecto, hic autem Caesareo Regio Thesaurario tradet, per eundem ad mensulam deponendam, ita etiam Sceptrum et Pomum per Reginalem Majestatem ei tradendum ponet ad Pulvinaria per Portatores Insignium tenta.

Post haec sequetur Evangelium, quo finito Diaconus librum Evangelii Assistentibus Episcopis consignabit, quorum alter eundem Suae Majestati Sacratissimae, alter vero Suae Majestati Reginali ad osculandum praesentabit, et postea Ambae Regiae Majestates eadem modalitate incensabuntur.

Sub Offertorio Sua Majestas Reginalis domestica Sua per Episcopum Veszprimiensem Sibi apposita Corona redimita cum Adstantibus suis ad Altare procedet, super summo ejusdem gradu flectet, et aureum numisma, quod Consors Judicis Curiae Regiae in patina aurea praesentabit, accipiet, et ad orbiculum, quem Ceremoniarius semet inclinando porriget, offeret, postea Patinam per Consecratorem porrectam osculabitur, et ad Thronum suum redibit.

Ad praefationem Episcopus Veszprimiensis Suae Majestati Reginali Coronam iterum deponet, eandemque Supremo Aulae Praefecto, hic autem Caesareo Regio Thesaurario super pulvinari tenendam tradet, pari ratione Curiae Regiae Magister de Capite Suae Majestatis Sacratissimae Sacrum Regni Diadema demet.

Sub Elevatione Insignium Portatores recepta ab Episcopis Clenodia, prout et Agazonum Regalium Magistri vices gerens, evaginatum ensem, ita etiam Hedus