1825-1827 Irományok 1. • Acta Comitiorum Regni Hungariae a Serenissimo ac Potentissimo Imperatore, Hungariae, et Bohemiae Rege Francisco Primo in Liberam, Regiam Civitatem Posoniensem in diem 11. Septembris Anni 1825. indictorum. / Posonii / Typis S. Ludovici Weber / 1825-1827

1825 / 1. ülés

IIL directorium seu ordo coronationis

Suae Majestatis Carolinae Augustae natae Serenissimae Regiae Principissae Rava-* riae in Reginam Hungáriáé die 20-ta Septembris Anni i8a5.solenniter

peragendae.

c

um triduo ante Coronationem Cista, ubi Corona cum caeteris Clenodiis reposita est, e Capella Ecclesiae Sancti Martini adjacente ad Suae Majestatis habitationem deferenda sit, dignabitur altefata Sua Majestas Serenissimo Archiduci Domino Regni Palatino horam indicare et Supremum cjuoque aulae suae Caesareo Regiae Praefectum accersire, eidemque binos Commissarios Regios per Suam Majestatem Sacratissimam denominandos significare, ut hi eatenus edoceri valeant.

Duo Coronae Conservatores, Praelati, item Barones, et Magnates per Suam Serenitatem Caesareo Regiam Dominum Regni Palatinum, nec non ex parte Statuum per Dominum Personalem nominandi, hora praestituta semet in Anticamera Suae Majestatis Sacratissimae sistent.

Deputabuntur autem:

Ex Praelatis 2

— Baronibus 2

— Magnatibus 2

— parte Statuum 6

Pro Portatoribus vero Coronae nominabuntur:

Ex Magnatibus 4 — parte Statuum 4

Hi postquam universi convenerint, concedent ad locum, in quo Cista dum Buda Posonium transferretur, deposita fuit. Portatores Cistae eandem Tapete rubro acuphrygia picto contegent, levabunt et comitantibus Coronae Conservatoribus et Caesareo Regiis Commissariis ad retiradam Suae Majestatis Sacratissimae deferent, quousque nobiles Praetoriani hungarici latus interius, exterius vero Caesareo Regii Satrapae stipabunt. Facta Sigillorum in praesentia Suae Majestatis, et adstantis Supremi aulae Praefecti inspectione Cista reserabitur, et Clenodia Regni, ut Suae Majestati adaptari et accomodari valeant excipientur, atque ita, qui praesentes aderunt, discedent.

Pridie vero Coronationis hora 2-da postmeridiana Domini Coronae Conservatores cum reliquis D. D. Deputatis et portatoribus Cistae Clenodiorum Regni semet ad hospitium Serenissimi Archiducis Domini Palatini, indeque ad Palatium Suae Majestatis Sacratissimae, quorsum biduo ante, uti superius attactum est,.cista delata fuerit, binis Commissariis quoque Regi'S, per primarium Supremum aulae Praefectum eorsum dispositis conferent, ac simul congregati ad retiradam deducentur, et per Coronae Conservatores, Serenissimum item Archiducem Dominum Palatinum Cista in Praesentia Suae Majestatis Sacratissimae sigillis propriis obsigillabitur, et praedicto Tegumento instrata, per Portatores, praecedentibus Deputatis Serenissimoque Archiduce Palatino in comitiva Coronae Conservatorum, et Commissariorum Caesareo Regiorum, nobili hungarica, et Satellitum Caesareo Regiorum, Turmis Praetorianis honores exhibentibus per gradus deportabitur, et apertae Rliedae aulicae imponetur, qua occasione et Magistratus Civicus ad portam palatii Suae Majestatis Sacratissimae praesto esse debebit; Cives autem a Palatio usque Ecclesiam Collegiatam ad

S. Martinum ab utrinque in Serie stabunt; militia vero pedestris et equestris ordinem tenebunt.

Procedetur autem versus praedictam Ecclesiam sub compulsatione campanarum et Tormentorum fragore vigiliis honores militares exhibentibus, ordine sequenti: 3 1-0