Opinio Excelsae Regnicolaris Deputationis motivis suffulta, pro pertractandis in consequentiam Articuli 67: 1790/1 elaboratis Systematicis Operatis Articulo 8. 1827. exmissae circa objecta ad Deputationem Juridicam relata. / Posonii / in Typographia Ludovici Landerer de Fáskút / 1831
I. Projectum Articulorum de Fororum Coordinatione
27 sí Ionos Dotis, Parapherni, et intertentionis Fora Ecclesiastica a imulo deinceps pertractare non poterunt, verum Pars praetendens ad acquisitionem horum, prpnunciato in Sacra Sede Divortio, coram concernente saeculari Foro agendum habebit, nisi Partes eatenus quoque in Judicatum Sedis spiritualis via amici Tractatus, vel Compromissi ah utrinque subscribendi consenserint, eo suapte intellecto, quod nec in hoc quoque casu Appellata extra Regnum quoad quaestiones bonis temporalibus innexas locum habere possit. §. i. In casu autem, quo relate ad mulierem ob qualecunque incidens usque exitum etiam Causae Matrimonialis, separatae intertentionis necessitas emergeret, concernens Jurisdictio quantitatem Summae intertentionalis pendente quoque Lite divortiali, habita status bonorum, propriae item substantiae, prout et aliarum ad rem spectantium circumstantiarum, condigna ratione, pro justo, et aequo determinabit, et determinationem suam etiam in effectum deducet. §. 5. Titulo demum scandali Fora ecclesiastica nec poenas corporales, nec subeundam in publicis correctionis locis reclusionem dictare valebunt, verum talis suis in casibus Actione publica ad praescriptum Codicis Criminalis per Fora saecularia suo modo irroganda erit. §. 6. Postremo cum Sententiae in divortialibus Causis per Fora saecularia latae, quoad effectus civiles ubique pro validis haberi debeant, personae Sententia supremi Revisorii Fori ob complicitatem Adulterii, a Matrimonio invicem ineundo inhibitae, nisi concernens aggravata Pars Sententiam in sui favorem via Novi praevie alterari proeurasset, distinctae quoad Matrimonium quaestioni per Consistoria subjici, et ad Matrimonium invicem ineundum admitti non poterunt. # §. 7. In reliquo Sedibus spiritualibus in praehabita activitate sua relictis, Sententiae earum per Fora saecularia effectui dabuntur, promptaque iis assistentia praestabitur. Jazyges et Cumani, teste Belae IV-ti et Ladislai IV-ti Privilegio, a suo in Regnum ingressu, Judicibus tantum in medio ipsorum constitutis , Capitaneis item, et Regni Palatino, qua supremo eorum Judici suberant, et quamvis sub initium praeteriti Scculi Ordini Theutonico fuerint inhypothecati, Status tamen et Ordines Regni in Comitiis Anni 1715. diserte declararunt, quod subsecuta Districtuum horum ad Coronam Regni restitutione, vigore positivarum Legum, usu etiam reali firmatarum, judicatui Palatinali, cum suis immunitatibus et privilegiis, juxta sensum etiam Articuli 44: 1655. reapplicandi sint. Resoluto propriis illorum pecuniis pignore, sub initia Regiminis Mariae Theresiae, Anno 1745. per elargitum benignum Privilegium postlimino ad legalem antiquam consistentiam repositi sunt, et in hac per Articulos 25 : 1751. et 25: 1791. in perpetuum conservandi ordinantur. Quapropter Jazygum et Cumanorum municipalia Judicia, non tantum longaevo usu probata, sed iteratis etiam Legibus et Privilegiis firmata, tamquam 7 *
