Opinio Excelsae Regnicolaris-Deputationis motivis suffulta, pro pertractandis in consequentiam Articuli 67: 1790/1 elaboratis Systematicis Operatis Articulo 8. 1827. exmissae circa objecta Rei Literariae. / Posonii / in Typographia S. Ludovici Weber / 1831
De Fundis Institutorum Literariorum
14 ratio utilitatis svaderet, minoribus etiam corporibus, ad plures annos censui locentur. Eo utique subintellecto , elocationem lianc nonnisi erga sufficientem , quam strictissimis conditionibus, tam relate ad rite ac in antecessum pendendum canoncm , quam praecavendas deteriorationes aut plane alienationes definitam Cautionem, obtinere debere. Summae vero pecuniariae in foenore ponendae, quam fructuosissime et securissime elocentur. 5.) Consuletur porro fundo Universitatis parsimonia sumtuum. Quo non parum conferet: a. ) Professorum recentioribus temporibus in Medica potissimum facultate multiplicatorum reductio. Quae disciplinarum nunc per distinctos Professores proponi solitarum conjunctio, modalitate convenienti subsequo loco adumbranda, sine ullo rei literariae detrimento , suscipi potest. b. ) Pari ratione suscipienda Assistentium in facultate Medica diminutio. c. ) Professorum Facultatis Theologicae adminus eousque , donec fundus nonnihil increverit talium denominatio, qui beneficiis vel simplicibus vel Cathedraticis donati, salariis ex fundo Universitatis percipiendis carere possent. Quo fine oranda foret Sua Majestas Sacratissima, ut in nonnullis Capitulis sed vel maxime numerosiora Stalla tenentibus , opimiusque dotatis, unum, pro viro non solum secus merito, sed jam perprius docente vel adminus docendi capace, adnexa ea obligatione servare dignetur, ut per complurium adminus annorum curriculum Professoris Scientiarum Theologicarum in Universitate munus obire teneatur. Ad plenam denique Objecto huic claritatem adfundendam, juvabit Tabulam, statum activum et passivum fundi Regiae Scientiarum Universitatis exhibentem, sub Nro. I. adnexam consulere. Caput III. De Fu udo ceterorum Institutorum Literariorum. §. 11. Quemadmodum Universitati Regiae peculiaris, ita ceteris Institutis literariis communis quidam fundus est constitutus, e cujus aerario ipsae quoque sustentantur Academiae. §. 12. Fundi hujus Administratio sub inspectione ac providentia Consilii Regii posita, tanto majorem exposcit vigilantiam, quanto in plures et minutiores partes annui ejusdem proventus distrahendi sunt. Quare cautelae omnes, quae supra de ratione fundum Universitatis administrandi commemoratae fuerunt, hic quoque vel maxime debent obtinere. Ad haec impensae multiplices e fundi hujus terario quotannis dependendae non mediocrem Curatoribus adferre debent solliciaudinem, ne temporum injuria vel annorum sterilitate sic adtenuetur, ut par non sit ferendis oneribus. Hinc primum in itineribus Studiorum causa suscipiendis justus quidam modus atque parsimonia erit adhibenda, deinde renumerationes nonnisi luculentis et peculiaribus meritis adtribuendae; casibus denique fatisque impraevisis, certa et longe jam praevisa remedia comparanda. Caput IV. De rar iis ejusdem Erogationibus. §. 13. Directorum Provincialium in bonas Artes propensio atque animi magnitudo facile efficiet, ut magna contentione arripiant pulcherrimam bene de
