Gravamina et Postulata Statuum et Ordinum Regni Hungariae et Partium eidem adnexarum tam Generalia, quam Particularia, quae in Comitiis Regni Anno 1825/26 celebratis per exmissam eatenus Regnicolarem Deputationem, - etiam in ordine ad perlustrationem Situs Operati Deputationis per Articulum 67. 1790/1 in Gravaminibus ordinatae ac iis quoque, quae annis 1802. 1807. 1811/2 Comitialiter jam substrata fuerunt, denuo reassumptis, in unum collecta, et Opinione ejusdem Deputationis, partim Comitialiter pertractanda, et Suae Majestati Sacratissimae substernenda; partim ad suas Competentias releganda, vel exmittenda censebantur. / Posonii / Typis S. Ludovici Weber / [1826]
Sub C
54 Comitatus Sümeghiensis Leges de Summaria Repositione, interimali metalium Controversiarum Decisione, ac inducenda proportione per latas, scopo proposito haudquaquam respondere copiosisque naevis laborare exponit, ideoque his alias Justitiae Distributivae magis congruas substitui desiderat; item Comitatus Zaladieusis, provisionem Articulo 21. l807. intuitu Litis ad proportionatam ratarum e communibus silvis excisionem erigendae, in eo factam: ut relate ad Compossessores quorum ubicatio ignoratur Terminus, Comparitionis adminiculo Circularium via Consilii Regii Locumtenentialis [publicetur, ad alias quoque analogas Causarum species, numerosiores Compossessores ferientes, inquantum unius aut alterius possessorium non constaret, extendi postulat. Objecta praeviarum petitionum ad Sphaeram Juridicam spectantia, sub pertractatione Elaborati hac in materia Deputationalis assumenda venient» 31. Relate ad inducendum quoad Beneficia Communia inter Compossessores proportionem, compendiosam magis Juris viam stabiliri, ac generatim relate ad conservandum in Compossessoratibus bonnm Ordinem, legalem Cynosuram praestitui postulat Comitatus Soproniensis. Postulati hujus membro priore ad Juridica, altero vero ad Publico-Politica relato, utrumque sub Revisione respectivorum Deputationalium Operatorum pertractandum erit. 32. 53. 34. 35. 36. 57. Fallimentis fraudulentis in elusionem ac praejudicium bonae fidei Creditorum, magis ac magis invalescentibus, censurae Articuli i2. iS07. strictiorem per Altiora Fora observantiam adurget Comitatus Soproniensis; non secus Comitatus Albensis Articulo 10. 1807. praescriptam Causarum seriem in Tabula Regia Judiciaria exactissime observari cupit. Jurisdictiones autem Partium Regni Cis - Danubianarum Praejudicia Curiae Regiae, vim Legis quodammodo vendicantia, adeoque potestatem etiam Leges ferendi et interpretandi supponentia, sufferri. Sententias item quasvis per Eminentissimum etiam Forum ferendas, cum Partibus litigantibus summopere intersit, rationem recepti Judicii nosse, motivari postulant, Comitatibus quoque Tibiscanis Postulato huic adstipulantibus — non absimiliter. Indeterminatam Tituli 5g. I. quoad Fassiones perennales , quaenam pro stricte rationabilibus ac invalidation! poenitus exemtis cousiderandae sint ? ab arbitrio et interpretatione Judicis pendentem dispositionem, nova diserta Lege explanari desiderant. Districtuales porro Tabulas, quarum functiones extensa aliarum Jurisdictionum activitate levi pacto expleri possent, sufferri— Sedes vero Comitatuum Judiciarias, si nefors has in Fora fixa et stabilia transformari e re videretur, ea modalitate instaurari cuperent, ut cum libera Judicum electio essentiale Libertatis ac Securitatis fulcrum, nobilitariumque praerogativarum principalem partem constitueret, Judices pro Sedriis deligendi semper in Restauratoriis Sedibus suffragiis liberis eligantur. Comitatus demum Abaujvariensis abusibus Tabularum Districtualium, signanter in quaestionibus arbitrarie peremtae aut injunctae evocationis Evictorum, excessiva expensarum adjudicatione, et liquidatioDe persaepe ipsum Litis substratum exhauriente, item in casibus liquidi irreflexe ad quantitatem Debiti Causarum de 50 quoque florenis promovendarum acceptatione practicatis modum poni, ac Tabulam Districtualem Eperiesiensem a meditullio Districtus Cis - Tibiscani nimium remotam ad commodiorem locum translocari orat. Obje-
