Ratio Educationis Publicae totiusque Rei Literariae per Regnum Hungariae et Provincias eidem adnexas (Buda, 1806)

Pars Prima - Sectio II.

42

praeparationi, ac repetitioni, rebusque necessariis parum temporis superesse ; expedit , vt et tempori J/istitutionum noui cancelli circumdentur , et Remissionibus , ne vel odium studiorum faciant necatae , vel otii consuetudinem nimiae, modus statuatur. Quem in finem sequentes sanciuntur regulae:

a) Annus Scholasticus cum exordio mensis Nouembris inchoatur, et cum octaua Septembris concluditur.

b) Dies Dominici, et Festi rebus diuinis con- sacrantur, et ad eos, nullo, nisi Populi supplicatio publica interueniat, excepto matutina, pome- ridianaque hora conuenitur.

c) Dies quoque Augustissimorum Principum natalis, et onomasticus festus habebitur, votisqne pro incolumitate Augustae Familiae concipiendis dicabitur.

d) Primae tres Hebdomadae sanctae feriae, seu Hies Lunae, Martis, et Mercurii, sermonibus, et exercitiis pietatis de more impendentur, et Iuuentus ad adeunda Poenitentiae , Eucharistiaeque Sacramenta praeparabitur; ceterae priua- tae pietati committentur.

0