Ratio Educationis Publicae totiusque Rei Literariae per Regnum Hungariae et Provincias eidem adnexas (Buda, 1806)
Pars Prima - Sectio I.
Quia vero publicae rei permultum interest, Vt Iuuentus rustica doctionem accipiat statui convenientem, discatue tempestiue, quid Deo, quid sibi, aliisque debeat? quibus o(liciis Principi, Patriae, Parentibus, et Dynastis suis obstringatur? Parochis, et Comitatibus in eo erit elaborandum : vt Incolae de multifaria Scholarum, si frequententur , vtilitate; si vero negligantur, boni iactura affatim edoceantur; vt Scholae, quibus in locis desunt, communi eorum sumptu excitentur, et excitatae pari ope sustententur; vt omnes sexus vtriusque Adolescentes in pagis et oppidis a sexto aetatis anno; vel qui feliciore sunt ingenio, maturius ad illas adducantur; qui vero per inualetu- dinem diutius abesse debent , ad duodecimum vsque aetatis annum in eadem institutione teneantur. Vnde ipsa rei ratio videtur deposcere , vt Comitatus pro ea, qua pollen! autoritate, Inspectori in omnibus ad officii administraţionem facientibus negotiis efficaciter adsint; Parentes autem eo impellant, vt Liberis ad commune bonum educandis officium a natura impositum explere satagant. Quod si neque adhortando, neque reprehendendo potuerit impetrari , vt nempe Proles sua?
