Ratio Educationis Publicae totiusque Rei Literariae per Regnum Hungariae et Provincias eidem adnexas (Buda, 1806)
Pars Prima - Sectio I.
exemplaribus a nouo Praeceptore propositis sese conformare conantur, priores characterum formas sensim dediscant , nec fortasse nouis dextre ducendis adsuescant, ideo vt malo huic in tempore anteuertatur, exemplaria scripturae lectissima non pro Latina solum et Hungarica, sed pro ceteris etiam natiuis Linguis eiformabuntur , aerique incidentur , et ita per Scholas Vernaculas copiose distribuentur : vt earum imitatione discant pueri elementa literarum aequabiliter pingere , verborumque textum recto tramite continuare , ac, si opus fuerit, etiam Magistri suam manum ad eandem amussim conformare. Vt autem ex hac scribendi methodo , et exercitio alia quoque emolumenta existant, propositae ad aemulandum Formulae complectentur Sententias morales , et varia Scripturarum exempla, quae in vita Ciuili occurrunt, sed intellectum aetatis adolescentis non excedunt; vti sunt Syngraphae, Apochae, Pacta, Cautiones, Epistolia, Libelli supplices, et simii lium negotiorum specimina. CA-
