Erdély Nagy Fejedelemség 1837-ik esztendőben április 17-én N. Szeben szabad királlyi várossában ki-hirdettetett ország gyülésének iromány könyve, 1837. április 17. - 1838. március 31. (Nagyszeben 1838)
1837-1838 / 49. ülés
47 XXXXIX. ÜLÉS. 19. Szám alatt. A' Választások mellet Ö Felségéhez felküldött Repraesentatiojok a' Statusoknak. Sacratissima Caesarea et Apostolico Regia Majestas 1 Domine Domine Nobis Clementissime Benignissime! D . evotissimo gratitudinis sensu paternam Majestatis Vestrae Sacratissimae in eo veneramur clementiam, quod serie benignarum Propositionum Regiarum, tenore benigni sui Recsripti die 14-a Mensis Februarii c. a. ad nos exarati in limine praesentium Comitiorum nobis exhibitarum, Fideles SS. et 00. Magni hujus Principatus ad electionem pro cardinalibus diplomaticisque Officiis, quae contra clarum legum sensum, citra praeviam SSuum electionem provisorio modo suppleta, adeoque in earum sensu vacantia dolenter cernebamus, instituendam provocare, hacque ratione jure liberae electionis per leges fundamentales, Diplomatis quippe Leopoldini punctum 7-um et 8-ura Art. item 20-um anni 1791. iteratas praeterea in iisdem fundatas benignas affida- tiones Regias SS. et OO-nibus asserto, urgentissimas jam hoc in puncto Patriae nostrae necessitates in benignam reflexionem sum- mere, et ardentissima desideria nostra amplectendo, ad usum ejusdem nobis ex praescripto quoque legum patriarum competentis juris , viam aperire dignata sit. Objectum itaque electionis hujus pro gravitate momenti assummentes, revolutis anteriorum annorum actis diaetalibus comperimus : Intimum Status Transylvanici Consilium in sacro Diplomate Leopoldino duodecim virale appellatum successivis temporibus pro exigentia necessitatum Status, mutuo Principis et Statuum consensu, adlectis in idem Consilium pluribus membris, auctum fuisse, et in actis comitialibus ab anno 1791 usque annum 1811 emanatis de sedecim membris Consilii Intimi mentionem reperiri, in quorum conformitate (praeter Officium Statuum Praesidis in proximis Comitiis restauratum, et Comitis Nationis Saxonicae) nunc ad sequentia Officia cardinalia, et diplomatica praevia ratione vacantia, utpote: Gubernatoris, — Generalis Militiae Nationalis, — Thesaurarii, — Cancellarii Provincialis, — Supremi Commissarii Provincialis, — Exactoratus Praesidis, — et octo Consiliariorum Gubernialium, Cancellarii tandem Aulici, — Tabulae Regiae Judiciariae Praesidis, —unius item Magistri Protonotarii electionem desiderari. 12*
