Erdély Nagy Fejedelemség 1837-ik esztendőben április 17-én N. Szeben szabad királlyi várossában ki-hirdettetett ország gyülésének iromány könyve, 1837. április 17. - 1838. március 31. (Nagyszeben 1838)
1837-1838 / 2. ülés
14 II. ÜLÉS’ I ROMÁNYI. excelsarum virtutum haeredem, veneramur; ut adeo ipsam quodam modo Majestatem, non tantum animis venerari, sed quasi oculis intueri, valeamus. His omnibus, in dulcem, eamque non dubiam, erigimur spem, Serenitatem Vestram Regiam hanc fidelitatis nostrae devotionem, sub ulteriori autem Comitiorum cursu, humillimas nostras preces, justa desideria, et legalia Postulata, Augustissimo Sacratissimae Suae Majestatis conspectui, benevola cum commendatione oblaturam, legaliaque nostra desideria tanto protectore suffulta, apud optimum, populorum Suorum amantisimum, semper et in omnibus recta tueri, intentum, Principem, optato effectu haud caritura. — Quantum ad nos pertinet, omnes Nostros conatus eo sumus conversuri, ut communem charae patriae felicitatem, legalibus mediis promovere, nosque benignitati Regiae, et altis Serenitatis Vestrae Regiae gratiis, dignos reddere valeamus; quibus nos, totamque nostram Patriam, in omni humilitate impense commendare sustinemus. 6. Szám alat t. A' KK. és RR. által le tett Hűség- Eskü Formája. Ego N. N. juro per Deum vivum, verum et aeternum, fideque mea spondeo et promitto, Serenissimo ac potentissimo Domino Domino Ferdinando Primo, Austriae Imperatori, Apostolico Hungáriáé et Boheraiae Regi, hujus Nominis Quinto, Haeredi- tario Magno Principi Transylvaniae, et Comiti Siculorum etc., Domino Domino et Principi meo legitimo ac haereditario mihi clementissimo: quod Suae Sacrae Regiae Majestati , ejusque Haeredibus et Successoribus legitimis, toto vitae meae decursu, fidelis obediens subditus, rectus et sincerus, amicorum amicus, inimicorum inimicus ero; contra Suae Majestatis Haeredumque et Sucessorum ejus Sacratas Personas, Statum, Dignitatem, Honorem , Ditiones, nec clam nec aperte quidquam machinabor, aut aliis id faciendi quocumque modo author consultor aut adjutor ero; quin potius si alios quospiam quid simile moliri, aut aliud quidpiam in Suae Majestatis Haeredumque et Successorum aut Ditionum Suarum detrimentum vergere, adverterem, seu in- telligerem, talia vel ipse, vel per alios Suae Majestati immediate aut mediate tempestive significabo; simulque molimina hujusmodi, et quaecunque alia damna pro meis viribus impediam et avertam, atque e contrario Suae Sacrae Regiae Majestatis Haeredumque et Successorum commoda, et utilitatem quantum potero, promovebo; ita me Deus adjuvet, animaeque meae Salutem largiatur.
