Erdély Nagy Fejedelemség 1837-ik esztendőben április 17-én N. Szeben szabad királlyi várossában ki-hirdettetett ország gyülésének iromány könyve, 1837. április 17. - 1838. március 31. (Nagyszeben 1838)

1837-1838 / 2. ülés

12 II. ÜLÉS’ 1 Ii O M A N Y I.

cerae pietatis atque amoris sensunt, in tot millionum , quos quondam beavit, fidelium subditorum animis perpetuo excitaturus.

K Gloriose regnans Sacratissima Majestas, Throni et excelsarum immortalis memoriae patris virtutum haeres , omnium Augustissimae suae Domus haereditariorum Regnorum et Provinciarum , ac inter illas chari etiam sibi Magni Principatus Transylvaniae et Partium eidem adnexarum, Regimine, juxta Sanctionem Pragmaticam , naturali immediatae successionis Ordine , faustissime auspicato ; pro paterno suo, salutem et felicitatem Magni hujus Principatus, via legibus juribusque ejus municipalibus praescripta, procurandi studio, Inclytos Dominos Status et Ordines ad haec Comitia, modo legali convocavit, quorum praecipua objecta e benigni Rescripti Regii nunc perlecti tenoribus intellexerunt.

Grato animo recolo Sacratissimae Suae Majestatis clementiam, luculentumque Suae in me locatae fiduciae documentum, dum me, ad haec nominatim Comitia, perhonorifica Plenipotenţiarii Augustissimam Suam Personam repraesentantis Commissa- rii provincia, condecoravit, quae Comitia nunc, activitate mihi benigne delata, solemniter aperio. —

Sanctum igitur ac peramoenum mihi erit officium, ut paternis, clementissimis, in legum juriumque, cujusvis conservationem atque confirmationem semper directis, Sacratissimae Suae Majestatis consiliis, pro virium mearum tenuitate satisfaciam; una etiam Inclytorum Dominorum Statuum et Ordinum benevolentiam atque fiduciam mihi procurem, eorumque legali forma conceptas preces, repraesentationes, et propositiones, al- tissimo Suae Majestatis conspectui substernam. —

Cum iPaque benignum Rescriptum Regium paulo ante perlectum primo loco commemoret, mihique penitus persvasum sit, quodvis Inclytorum horum Comitiorum membrum , non secus ac quemlibet fidelem, Principis Patriaeque suae amantem, atque avitae constitutioni legibusque adhaerentem, subditum, Regem inter et Regnum lege subsistens vinculum, religione ju- risjurandi amplius adhuc, et quo fieri possit ocyus, confirmandi desiderio ardere, Inclytos Dominos Status et Ordines ad homa- gialis fidei jusjurandum, consveto legali modo nuncupandum, provoco; quo praestito, juxta propriam Sacratissimae Suae Majestatis mihi benigne impertitam altissimam inviationem , juramentum Regium, nomine et in animam Sacratissimae Suae Majestatis, coram Inclytis Statibus et Ordinibus, in aeterni numinis conspectu enunciabo. —