AZ ORSZÁGOS SZÉCHÉNYI KÖNYVTÁR ÉVKÖNYVE 1991-1993. Budapest (1997)

III. Könyvtörténeti és művelődéstörténeti tanulmányok - Borsa Gedeon: Korabeli tudósítások Nürnbergben az 1514. évi magyarországi parasztháborúról

gyarországi parasztháborúról szóló fejezetek szövegét, másrészt - a J

2 kódex alapján A-K. jelöléssel - a tizenegy korabeli tudósítást, amely ugyanerről szól, végül L. jellel a Bartholinus-féle híradást. FÜGGELÉK Geschichtsbuch der cristenhait von der iarzal 1511. bis auf dieses gegenwertig iar achtundzwaintzig iars von Christoph Scheurl. Scheurl-Bibliothek, Codex N2: (Mutató.) 424b: Bewegknus der Kreutzer emporung im Hungerlant der 79. art.fol.39

. Der Kreutzer Furhaben, aufrur tijrannei vnd Hauptleut der 80.art.fol.40

. Des Kongs vnd der Hungerischen herrn rhustung vnd gegenwer wider di Kreutzer der 81.art.fol.40

. Zeckel Jörgen niderlag vnd grausamer tod der 82.art.fol.41

. Eroberung vnd plunderung Wardein, vnd pfaf Lorentzen tod der 83.art.fol.42

. Stillung vnd entschaft der Hungerischen Kreutzer entporung der 84.art.fol.42

. Zeckel Georgen streitbarkheit der 85.art.fol.42

. 467a: Bewegnus der Krewtzer emporung im Hungerlandt, der 79. artickel. Vber di vielfältigen auflagen vnd Schätzung, domit di geistlichen vnd der adel den gemeinen man zu Hungern beschwerten, hat sich zutragen, das Herr Thomas Tittels S.Martini in montib. Cardinal vnd ertzbischof zu Gran, bepstlicher legat in Hungern, abermaln einen thurcken Zug, do mit er gelt machet, furgenomen, vnd derhalben das kreutz vnd volkomen ablas von pein vnd schuld 467a // 467b ausruffen lassen hat, welchs ir vhil angenomen, erkouft vnd darauf anzogen sein. In dem haben kong Ladislaus potschaften mit Solyme dem Turckischen keiser, so von dem Sophi bekrigt wart, einen driierigen anstant beschlossen. Dorumb der Cardinal das kreutz widerruft, aber di gekreutzigtn, als solten si vmb ir gelt betrogen sein, nit ablegen wollen, sunder sich von tag zu tag gehaufet vnd gestreckt, der gestalt, das der Cardinal den 19 Máij gar ein widerwertigs erkant hat, vnd nemlich, wer mit den kreutzern red, e oder drinck, der sol im schweren ban sein, vnd wer wider sie zihe vnd si zu tod schlahe, der sol Vergebung seiner sunden von pein vnd schuld erlangt haben, als ob er wider di turcken zogen wer vnd di selben erschlagen het, welchs di prediger zu Offen zu S.Niclas prediger vnd zu SJohans parfuser ordens den 25 Maij auch dermasen verkündet, gegen denen sich der gemein man etwas entporet, ir wanckelmutig predigen vnd vmbfuren beschuldigt, ire hecklein gezuckt, vnd si von den predig stulen veriagt, ijdoch haben di krewtzer in irem veldtlager vnter pest zum tayl abzihen wollen, vnd derhalb, als si strittig worden. Zwein fannen mit angepunden hultzen Crucifixen aufstecken vnd beruffen lasen, welcher bei inen bleiben vnd mit dem krewtz zihen sol zu einem, vnd welcher vmbkeren wol, zu dem andern fannen tretten. Do seien der heimzihenden vil mer, dann der andern worden, vnd ist ein gerucht entstanden, das Crucifix sei an der heimzihenden fannen dreimal gepunden vnd allemal herab auf das angesicht ge 467b // 468a fallen, das si widerwendig gemacht, vnd dohin verursacht haben sol, das sie all bei einander sterben oder genesen wollen, allein sol man inen gestaten wider di Thurcken züzihen. Der Krewtzer furhaben, aüfrur, tyrannei vnd hauptleut, der 80. artickel. Di Krewtzer, das ist der gemein man, haben kurtzlich der masen vberhandt genomen, das si nahent in gantz Hungerlandt herrn, vnd vileicht in hundert tawsent starck worden sein, haben bei acht gewaltiger feldlager geschlagen, vnther Pest, im stift zu Erla, in Sibenburgen, vnd an andern mer orten, vnd zu obristen feldthauptman vnd volgent zu irem konig aufgeworffen Zeckel Jörgen, der hat sich geschriben einen konig des gebenedeiten volcks der gekreutzigten einen freundt vnd vntherthan des kongs von Hungern, einen feindt der prelaten, herrn vnd edlen. Seine vntherhauptleut sein gewesen Lorentz Pater Chorherr zu S.Sigmundt zu Offen, der aller tijrannischst Michael ein Munch Benedictiner ordens ein pertling, vnd ander mer, haben vhil hundert pfaffen, di gewonlich amptleut gewesen sein, vnther inen gehabt, vnd allein des gemeinen mans verschont, was man inen zugefurt bezalt, vnd dem konig 100 ochsen vnd anders zugeschickt, dann ir furnemen ist gewesen, dem konig ein einkomen vnd gehorsam 334