Szent Benedek-rendi katolikus gimnázium, Nagyszombat, 1894
179 animadvertamus, ut in semente spem messis: ita in juventutis proba educatione religionis catholicae et probitatis resarciendae summam consistere, diu multumque anxie laboravimus, ut modum adinveniremus, quo nobilis juventus tenuioris praesertim fortunae in religione ac eruditione ita educaretur. ut aetate maturescente ornamento esse possit, et subsidio patriae: Ecce Deus optimus pro singulari sua clementia desiderio ac precibus nostris occurrens, modum ostendit, quem optare magis quam sperare poteramus Nam licet a sanctissimis Hungáriáé Regibus ex monetae cusione certi quidam nec contemnendi reditus Archi-Episcopo Strigoniensi fuerint assignati, ita quod ex singulis argenti, auri ve cusi vel non cusi marcis Pisetum unum hoc est: quadragesima octava pars marcae certo ac iufallibiliter assignaretur: tamen hos reditus ab anno Domini 1573. quo diem suum obiit felicis memoriae Antonius Verantius, Archiepiseopus Strigo- niensis usque ad annum 1623 per quandam usurpationem Camera Cremniciensis percipiebat, nihil quicquam praedecessoribus Archiepiscopis intra hos quinquaginta annos ex eo proventu repraesentando: verum invictissimus Imperator, ac Rex Hungáriáé Eerdinandus secundus visis autenticis, ac aliquot seculorum continuo usu roboratis Archiepiscopatus privilegiis, habito etiam respectu fidelium obsequiorum nostrorum cum alias semper, tum in hisce superioribus patriae motibus exhibitorum, ex innata sua clementia reditus Piseti Archiepiscopatui restituit eo lubentius; quod intelligebat Majestas sua, bonam horum redituum partem nobilium juvenum Seminario erigendo a nobis destinari. Quod igitur Deus praepotens ad sui nominis aeternam gloriam, ad Ecclesiae catholicae incrementum, ad utilitatem afflictae patriae nostrae bene feliciterque vertat, accedente Sanctissimi Domini nostri Urbani Papae octavi, ac suae Sacrae Caesareae Regiaeque Majestatis, nec non Venerabilium fratrum nostrorum Capituli Ecclesiae Metropolitanae Strigouiensis consensu pa12*
