1990. ÉVI NÉPSZÁMLÁLÁS Nemzetiség, anyanyelv I. kötet Nemzetiség szerinti adatok (1993)

BEVEZETŐ - ANGLUNI VORBA (Bevezető cigány nyelven)

ANGLUNI VORBA Paj le themeske manushengo nacionalno haj daka shibako kethane kidipe pe deshe bershengo popularno ginajipe del zhanavipe. La daki shib kathar 1880, e nacionalita kathar 1941 - avri ashilas 1970 - si pe popularne ginajipeske iskirimatura. Le popularnone ginajipeske oficialnone publikaciji cerra kombinaciji sikaven paj e nacionalita, paj e shib. Le ungrikone themesko nacionalno haj etnikako majcinipesko thanesko opre pinzharipe, haj dikhlipe akanak si ando zuralipe. Le nacionalitange than andre sikavelindo vi but shtatistikake kollekciji avna, aba jekhar dulmutane informacicji, dujtovar nyčve informaciji, vaj kaver kombinacijasa kethane kidine tabelluranca. Pala popularno ginajipe ande 1990 bersh angluneske le nacionalnone gavengo nacionalitako, haj shibako ginadyi printisardine avri, pala kodi so sas ando 1980 bersh, kadaleske iskirimatura printisardine. La nacionalitako haj daka shibake iskirimatura, so si ande provinciji (Bekeshicko than haj ande kaver thana) aba printisardine, sar sas dulmutanes, sar sas ando 1990 bersh. Vi beshimaske thaneske iskirimatura avri printisardine, ande kodo si 1990 bersh, haj 1980 bersh (kado chi dine avri) daka shibake haj nacionalitake iskirimatura. Haj akanak, ande 1990 bersh, kana sas popularno ginajipe, la nacionalitasa vaj la daka shibasa si ungrura, slovaka, vlaxuri, horvata, sirbura, slovena, nyamcuri, vaj roma, kotoruna kombinacijake tabelluri dine avri ande duj kenyvuri. La OTKA-ke zhutipesa kethane shuto kasavo iskirimato inke chi kerdyilas ando ungro them. Ande angluni kenyva vi le thaneske sa manushenge taballuri sikavel, haj kade shajipe si kethane te anosaras le nacionalni grupura haj daka shibake grupura sar si ande intrego popularo. Ande angluni kenyva shaj rakhinde le nacionalitake tabelluri, ande dujto kenyva la daka shibake tabelluri. Ande le printisarde iskirimaturi le butya kade si tele iskirime, sar le manusha avri phendine. Kana si popularno ginajipe, le oficiji mangen le manushen, hoj chachipe te phenen, kon soski nacionalita, haj soska shibasa vorbin. Ande sa le duj kenyvake tabelluri - sar nacionalita, sar daki shib - le horvata, le bunyevaca haj le shokaca (horvata si) le slovena haj le venduri (slovena, venduri) kethane si. 11