Mitteilungen des Österreichischen Staatsarchivs 42. (1992)
LIETZMANN, Hilda: Quellen zur ungarischen Krönung Rudolfs II. im Jahre 1572
Hilda Lietzmann empfachung zu genedigistem gefallen an, unnd weren zu vorsteender angestelter crönung ires lieben eltisten suns gern erschinen. Es sollen sich auch gemaine Stennde vorthin nit weniger alls bisheer neben hanndthabung unnd erhalltung des Khiinigreichs unnd der Stennde rechten, gerechtigkhaiten unnd gewonhaitten, aller genaden unnd was I. R. M. dem Khünigreich zu eheren aufnomen unnd besstem indert vermiigen unnd der Allmechtig genadt geben wirdet, gehorsamist getrosten, wie heergegen I. K. M. an irer trew auch nit zweiffeln. Sovil aber I. R. M. liebsten elltisten son Erzherzog Ruedolffen betreffe, dieweil bey I. R. M. sy die getreuen Stennde embsigclich angehallten unnd gebetten, denselben zu Írem Rhünig crönen zelassen, unnd I. R. M. disem Rhöni- greich innsonnderheit mit gnaden gewegen. So hetten I. R. M. solche ir guetherzige naigung mit gnaden angesehen unnd sy ires verlanngens unnd bittens genedigclich gewert; zumal weil I. R. M. nunmaln neben den jaren unnd deren villfelltigen sorgen, mühe unnd arbait allerley leibs [fol. 42 v] Schwachheiten zueneh[m]eten, nit weniger alls bey I. M. alle genedige guete, sannfftmuetigkeigkheit, gerechtigkhait unnd khö- nigcliche tugenden spüren und befinden. Darzue I. R. M. I. D. vätterlich weisen, auch nichts weniger nebenzue gueter director, beschüzer, erhallter unnd fürderer des Reichs und der Stende bleiben wolle. Welche antwortt der Herr Stephan Radecius Episcopus Agriensis123) unnd President der Hungerischen Cammer, denen Hungerischen Stenden, so rings umb gestannden, in hungerischer sprach verdolmetschet, deren die Stenndt sich gannz unnderthenigist bedannckht. Darauf I. R. M. den erz- unnd anndern bischoven, graven, herrn unnd vom adel die hanndt gebotten unnd sich allsdann auf iren gutschi gesetzt. Dieweill aber ermelte erz- unnd bischoven auch graven, herrn unnd vom adl diener unnd pferdte, welche überaus wolgeziert unnd gerüsst gewest, in dem veldt in ainer Ordnung gehallten, haben I. R. M. dieselben pferdt zesehen begeret unnd alle in ainer Ordnung fürziehen lassen, deren unnd aines yeden lanndmans pferdt insonnderhait sovill gewesen unnd nacheinannder gezogen wie volgt: Niclaß Battori Obrister Haubtman des Rünigreichs mit pferden 150, der Erzbischof von Gran 152, die zween Graven von Serin 242, der Herr Baan 79, der Bischoff von Agron 97, [fol. 43 r] Episcopus Transylvaniensis et Nitriensis 42, der Herr Tochj -, Episcopus Varadiensis 38, Herr Battiani 116, Bischoff von Funff- kirchen 12, Lasslaw unnd Niclas Banff! sambt Herrn Ratkay 52, Eps. Jauriensis 53, Johann Petew 37, Vespriniensis 22, Franciscus Thurzo 48, Vaciensis 28, Michael Warday 35, Comes Eccius a Salmis -, Czober cum duobus fratribus 96, Magochy 63, Reway 62, Franciscus Nadasdy cum 123) Stephan Rádeczky, Bischof von Erlau/Eger. 86
