Mitteilungen des Österreichischen Staatsarchivs 4. (1951)
AUSSERER, Carl: Der „Liber jurium in valle Lagari“
88 f Carl Äusserer Item Riprandus de Rouereto, homo domini Briani iurauit et ab ipsis in plebatu Lizane. Item Martinelus iurauit pro dominis Armano et Olderico de Campo et pro aliis, si eis placuerit in Banallo, in Blezo, in Nomasso, in plebatu Tigioni, in plebatu Boni, in plebatu Arcus et in plebatu Calauini. Bl. lb: 5. Quod regule Auolani et Beseni alternatiue spectant ad dominum episcopum et ad illos de Beseno. Item anno Domini .M.CC.XXVII., indictione .XV., die lune, .VIIII. exeunte augusti, in camera palatii; in presentia domini comitis Ga(briellis) de Flaono, domini Jacobi de Lizana, domini Jacobini de Roncegno, domini Jacobi, domini Trentini iudicis, Oberti, Oluradini notarii et aliorum. Ibique dominus G(erardus) Dei gratia episcopus Tridentinus nomine et vice sui episcopatus taliter fuit in concordio cum domino Olderico de Beseno pro se et fratre suo domino Willielmo super facto regule de Beseno et de Auolano, quod ille uno anno debet dominus episcopus et suus gastaldio pro eo regulam in Auolano et illi domini de Beseno in Beseno et alio anno illi de Beseno in Auolano et dominus episcopus et eius gastaldio pro eo in Beseno, unus alio faciendo dicere regulam secundum, quod facta fuerit cum pignore pro medietate pertineant domino episcopo et eius gastaldioni et alter pro medietate domino, Olderico et fratri. 6. De castro Grumi de Gardumo, quod spectat ad ecclesiam. Item .M.CC. XXXV., indictione .VIII., die martis, secundo exeunte februaris, in stupa palatii episcopatus Tridentini; in presentia magistri Olderici scolastici, domini Jordani iudicis, domini Cognouuti de Campo, Pelegrini, Oberti notarii et aliorum. Ibique dominus Moruellus de Tonno, tutor filiorum quondam Jordani et Aldrigeti de Gardumo promisit domino Al(derico) Dei gratia episcopo Tridentino custodire et saluare castrum Grumi ad honorem et statum domini episcopi et episcopatus et hominum de Gardumo et illud aperire domino episcopo et suis nuntiis quandocumque uoluerit et illud destruere ad eius uoluntatem et hoc totum in pena .M.librarum; et pro hoc refutauit in manibus domini episcopi feodum et allodium dictorum minorum et sui fideiussoris et si aliud contingeret dare et representare ei filios domini Jordani et Aldrigeti et ita iurauit fidem et debitum in totum domini Henricus de Egna et Federicus de Paldo etc. illam eandem pro et securitate et iurare fecit bergognam et refutationem et quod dabit fratrem in obsidem fidei domini Aldrigetus de Castrobarco et Federicus de Paldo. 7. Item .M.CC.XXXV., indictione, VIII., die dominico, .XII. exeunte madio, in camera palatii episcopatus Tridenti; in presentia domini Olderici decani, domini Jordani, domini Ezelini iudicis, domini Olderici de Rambaldo, Aycheboni, Ottolini de Gando et aliorum. Ibique dominus Al(derious) Dei gratia Tridentine ecclesie episcopus ad rectum feodum inuestiuit dominum Geremiam de Castronouo de suo recto feodo secundum quod per dominum episcopum G(erardum) inuestitus fuit, qui iurauit fidem salua ratione omnium hominum. Item inuestiuit Bonaverium filium quondam Turcolini de suo recto feodo et dominus Geremias pro eo fidem iurauit. Item inuestiuit Rodulfum de Castronouo de suo recto feodo et iurauit fidem.
