Szilágyi Sándor szerk.: Erdélyi Országgyűlési Emlékek 16. 1675-1679 (Budapest, 1893)

30. fejezet: 1675-1679 - Törvények és okiratok

clnus Haller de Hallerko in suprenmm opulentissimi totius regni thesaurarium communi omnium voto aclamatur, ac juxta puncta quaedam ab eodem conscripta in amplissimo hujusmodi ofticio per assecurationes quasdam articulariter consolidatur et inauguratur. Postmodum iit revisio causarum cusorum falsarum monetarum, qui post multas supplicationes (iis quidem de quibusdam rationibus non admissis, ne scilicet rei aequaliter habeant ac innocentes et sententiatis quoque postmodum non existente sera gratia etc.) non exauditas. per procuratores respondere coacti, Enyedienses nimirum. quos pronunc sors tetigerat. respondere cogantur. Oontra quos documenta directoris per inquisitionem conquisita deteguntur. Yerum iisdem exmissionem supplicantibus. deliberatur: quod si obsides aut fidejussores vulgo kezeseket possent pro sese statuere, ad proxime futura comitia exmittentur, intra quod tempus providerent de inquisitione in defensionem sui. quosdum statuere possent. vinculis non eliberaturos etc. Die 27. Dies dominica peragitur ex ritu et consvetudine. Die 28. seu ultima Februarii tota die factum nihil, praeterquam nobis in palatio principali praestolantibus, quid rerum agatur? Interdum intra parietes principales parabantur puncta instructionum pro dnis ad portam Othomannicam ablegandis nunciis et litterae ad imperatorem Turcarum, ad supremum vezerium et dnum Scherlet interpretem christianitatis, in eadem porta fulgida atque credentionales litterae aliorsum, quo expediebat, atque erant necessariae. Quibus die hac praeparatis: Die 1. Martii. Perleguntur eaedem publice coram dnis statibus atque litterae eaedem instructionales obsignantur, sigillis et subscriptionibus confirmantur omnium et singulorum tam privatorum quam omnium trium statuum et ordinum comitatuum scilicet seu nobilium, Siculorum quoque et dnorum Saxonum authenticis communitatum sigillis. Diesque haec transigitur in hujusmodi obsignationibus usque ad meridiem. Die 2. Post valedictiones mutuas dnorum ablegatorum, confluentibus interim ad locum consvetum dnis statibns, perleguntur supplicationes nonnullae privatorum, inter quas postulata etiam nostra dnorum Saxonum seu universitatis, atque etiam (tametsi difficulter) supplicationes dnorum Segesvariensium, quatenus aliquid ex erogatione triginta millium imperialium tempore Ali bassa hic in regno grassantis facta aliquam saltem partem in tanta illorum ob praecedentis anni totius fere civitatis et aedificiorum, tenipli,