Szilágyi Sándor szerk.: Erdélyi Országgyűlési Emlékek 12. 1658-1661 (Budapest, 1887)
26. fejezet: 1657-1660 - Törvények és okiratok
278 ERD£LYI OHSZAGGYUL£SI EMLEKEK. quapropter eorum scripta ubi remanseriut, nescitur; proiude in scriptis sua postulata in(((7?/)exhibeant, quancloquidem ita bene visum est regnicolis, ut exliibita resolutione ipsi transeant in Hungariam ad ill. dom. suam, ne nostros discursus de nostri^statibus audiant, ruminent, trutinent aut ediscant. Interim dominus Ugron Andras protestatur, quod de perceptis pecuniis rationem reddet coram regnicolis, quam exigere si neglexerint sui posteri ne teneantur de ratione reddenda. Tandem post multas altercationes pransum itur. A prandio horam circa 4-tam in templo iterum confluimus, sed plerique ebrii, quapropter nihil certi concluditur. Die 27. mensis Maj summo mane principalis celsitudinis postulata in scriptis exhibita leguntur, quorum summa eo rediit, ut porta Ottomannica contentetur, pax nostra stabilietur et officialium demortuorum ac vivorum loco alii substituantur, nobiles item Turcam irritantes cohibeantur, gravamina omnium regnicolarum medeantur, item de ima expensa ut provideatur. Ttem ut commeatus arcis AVarad procuretur, ut capitaneatus AVaradiensis in certum locum deferatur. ut iu praesidiis capitanei creentur, ut cancellarius eligatur, thesaurarius item, ut literae armales pixidariorum in bonis fiscalibus commorantium corruant, quas Georgius Rakoczi illis proximo anno exhibuit praeterlapso, item ut ad vaivodas transfugos: ConstantinumWallachiae et StephanumMoldaviae ex regnicolis nostris nemo ad serviendum transmittatur. Tandern literae supremi vezerii leguntur, quae admonent principem nostrum ut a novo wezerio Budensi totus dependeat unacum nobis. Aliae item literae bassae.leneojensis leguntur quae dictuin ill. principem nostrum admonent, ut amicitiam cum ipso colat et continuare satagat. Aliae denuo leguntur literae eiusdem passae Jeneojensis assecuratoriae modo centum bursas tallerorum transmittamus imperatori Turcico. Aliae item insuper leguntur literae wezerii Budensis degradati, quae assecurant nos ea conditione, si praenominatam pecuniam transmiserimus, in pace manebimus. Aliae rursus leguntur literae passa Jeneojensis certificatoriae de pecunia nostra in itinere habita. Aliae adhuc de confoederatione quam stipulatis manibus medio egregii Matthiae Balogli celebravit iure iurando. Septimo, aliae leguntur duorum capithiharum, quae declarant furorem Turcicum de nondum allata pecunia exortum. Octavo literae leguntur i 11. ac magnifici Francisci Redej de expensa eius anticipative erogata. Sumpto prandio, querela oritur de contributis pecuniis et nulla exactione praehabita. Ideoque modus in illis certus instituitur, exactores et inquisitores constituuntur.
