Szilágyi Sándor szerk.: Erdélyi Országgyűlési Emlékek 4. 1597-1601 (Budapest, 1878)

13. fejezet: 1596-1599 - Törvények és irományok

1599. xov. elejún., 331 jren sonndern des cardinals Landen, soll er weida darauf geautwort haben, er bette von der khayserl. Maiestät ain andern beuelch im buesen, dem wolte er nachkhumben, vnd der khays. Maiestät seine treue dienst erzaigen. Darauf der nuncius apostolicus den weyda aufs höchst vnd vmb gottes willen gebetten, denselben tag, als den 27. Octobrisz einen stillstandt zu haltten

, mit Vertröstung

, das der cardinal Báthory sich aines bössern bedenckhen, damit dasz christlich bluet vergiessen verhüett werden möchte. Als aber entzwischen von dem cardinal im wenigsten die erzaigung geschehen das er sich der khays. Maiestät getrew erzaigen vnd von seinem furhaben weichen wollte, der nuncius apostolicus auch des andern tags als den 28. vnuerricliter saclien nur mit villen wortten widerumben zum weyda khommen vnd nochmals tentirt

, den Michael weyda lenger aufzuhaltten

, hat in der weyda zu dem hinndern hauffen

, alda er seinen söhn gehabt, zuruckh geschickht vnd daselbst bis auf weittern beschaidt mit dem vermelden aufhalten lassen, es werde sich gar baldt erzaigen vnd sehen lassen, wer der khayserl. Maiestät vnd der ganzen christenliait getrew say. Darauf dem cardinal, der nur auf ain vierttl meilweegs mit seinem volckh gelegen, zuegezogen, den Jesus dreymal angerueffen vnd frühe von 9 vhr an bisz 4 nach mittag zusamben getroffen, der cardinal vngefehrlich ain halbe stundt fuesz gehaltten, hernach di flucht genumben, vnd alszo der weyda die schlacht vnd das veldt erhallten. Der cardinal sol auch ziemblich starckh gewesen sein

, doch maistes thail landtvolkh in der eill zusamben gebracht. Auf der waalstatt sein 2927 Sibenbürgischer todter cörper gezelt worden

, der lebendigen über die 1000 gefaugen, darunder Cornis Caspar vnd Ravasdj Georg

, auch ain rath den der weyda alsbaldt niderhauen lassen, gewesen. Der verwunden waisz man die zaal nicht, vnd wären der Sibenbiirger vil mehr gebliben, wan sy sich nicht alsbaldt nach des cardinals flucht auf gnaden ergeben hetten. Auf des Wallachen seitten sollen über 200 nit gebliben vnd ungefährlich souil beschödigt sein worden. ') T. i. halva a csatatéren.