Szilágyi Sándor szerk.: Erdélyi Országgyűlési Emlékek 2. 1556. sept.-1576. jan. (Budapest, 1876)
8. fejezet: 1559-1564 - Törvények és irományok
Ceterum de decimis iu Hungaria existeutibus annuit sacra Maiestas, vt preter illas decimas, quas in usus arcium et castrorum finitimorum quotannis deputatura est, si forte arendator Maiestatis suae aliquas decimas dominis nobilibus vendiderit, et domini magnates in illis decimis ipsos turbare coeperint, extunc iuxta deliberacionem superiorum comiciorum in sedem iudiciariam Maiestatis eius citari debebunt. Item deliberatum est clementi consensu etiam sacrae Maiestatis regiae accedente, vt tricesimatores iuxta uerum libellum vectigalem ipsis traditum legittimos et consuetos prouentus tantum tricesimae exigere debeant, nec quenquam siue nobilem personam siue ciuilem et plebeiam, res in sustentationem domus et familiae suae deportantem ac quoquomodo ementem, vlla tricesima aut exactione grauare audeant, alioqui statim ipso facto sacrae Maiestati per eiusmodi hominem iniurijs grauatum res significari debebit, princeps autem seuere in tricesimatorem animaduertat, ita ut inposterum consimile factum non contingat. Cum autem pred^ et latrocinia grassatorum inualuerint, et multos vita et rebus in vijs et itineribus publicis priuare consueuerunt, constitutum est itaque decreto publico, vt comites comitatuum in vtroque regno Hungariae et Transsyluaniae ad persequendos, capiuandos, et extremo supplicio puniendos egredi debeant et perquirere, ac inuestigare vniuersa bona tam nobilium quam dominorum magnatum; comites autem velvicecomites propria pecunia et impensis viuant, punitisque latronibus, furibus et alijs maleficiarijs resin propriam personam eiusdem latronis cedentes sibipsis recipiant, reliquas vero legitime liberos et vxorem spectantes sibipsis in integrum reddere debeant. Item clementer amiuit sacra Maiestas regia, ut in comitatu Zatmariensi et ceteris comitatibus Hungariae vicecomites sedes et iudicia pro consuetudme celebrari possint et debeant, ne videlicet publica aequitas inter dominos nobiles quoquomodo opprimatur. Item ex fauente consensu suae Maiestatis regiae deliberatum est, vt contribucio in comitatibus regni Hungariae ad festum sanctae Luciae virginis ad manus egregij Joannis Dobay exactoris administretur.
