Fraknói Vilmos (szerk.): Monumenta Hungariae Historica 3. Monumenta Comitialia regni Hungariae 8. 1588—1597 (Bp., 1883)
VI. HORVÁTORSZÁGI ÉS SLAVÓNIAI GYŰLÉSEK 1588–1597.
1589. MÁJUS 29. 459 IV. 1589. Május 29. Articuli Dominorum et Nobilium Statuuvique et Ordinum Regnorum Croatiae et Sclauoniae, in generali eorum Conuentu, pro vigesima nona die mensis Maii, ex edicto Spectabilis et Magnifici Domini Comitis Thomae Erdeödi etc. Comitis et Bani, ad literatorium mandatum Serenissimi Principis, Archiducis Caroli, Domini eorum clementissimi, in hac Ciuitate Regia, Montis Graecensis Zagrabiensis celebrato, aediti et conclusi. In eodem itaque publico Conuentu idem Serenissimus Archidux Carolus, per Generosum et Magnificum Dominum Vitum ab Hallek Commissarium suum, certos Articulos Suae Serenitatis, cum de locis finitimis muniendis, tum vero commeatu militibus gratis praestando, ac quadringentis haramiis cond rcendis et intertenendis, aliisque, publicum bonum spectantibus exhiberi curauit. Quibus iidem Status humiliter perceptis et intellectis, Suae Serenitati cum praefatione in gratiam Suae Serenitatis perpetuorum seruitioruin, ac bumillima sui commendatione, per literas eorum articulatim bumillime dederunt responsum. De quibus quidem Articulis, iuxta eorum posse, quantum pro praesenti, de muniendis locis finitimis ac aliis necessitatibus Regni talem fecerunt ordinationem. Imprimis, quia ad propugnaculum finitimum Carlostadium videlicet. primo quoque tempore muniendum, petuntur nouae vecturae et laboratores cum prioribus restantiis. Dum igitur buius muniendi propugnaculi, eiusque summa necessitas, tum oretenus per dictum Dominum Vitum ab Hallek etc., quam ex continentia praetactorum Suae Serenitatis Articulorum, coram eiusdem Statibus proponeretur; certi et quam pluriini Nobiles in propiuquo eidem Carlostadio residentes et bona possidentes, eisdem Statibus et Ordinibus non sine ingenti dolore ac etiam solenni protcstatione contra praesidiarios milites in eodem stipendia merentes, querulose et lamentabiliter proposuerant: Qualem insolentiam 11011 modo coloni ipsorum, verum etiam iidem quoque Nobiles ab eisdem militibus
