Fraknói Vilmos (szerk.): Monumenta Hungariae Historica 3. Monumenta Comitialia regni Hungariae 7. 1582—1587 (Bp., 1881)

I. A POZSONYI ORSZÁGGYŰLÉS. 1582. JANUÁR- ÉS FEBRUÁRBAN.

2<) l'OZSONYl ORSZÁGGYŰLÉS. in. 1581. Szeptember 6. Király i meghívó levél az újra kihirdetett pozsonyi országgyűlésre. Rudolphus . . . Prudentes et Circiraispecti, fideles nobis dilecti. Aliis literis nostris, nuper ad vos datis, certiores vos reddidimus, complures arduas gravesque causas, tum verő imprimis aduersam nostram valitudinem obstitisse, quominus Conuentui generali Regni nostri Hungáriáé, antea promulgato, Interesse potuerimus, sed eum necessario suspendere, et in aliud tempus differre coacti fuerimus; quam quidem suspensionis moram vos aequo animo tulisse nobis benigne persuasum habemus. Quöniam autem ejusdem Regni nostri Hungáriáé praesens conditio postulare omnino videtur, utin celebratione ejusmodi Conuentus primo quoque tempore progrediamur, speremusque nos, Dei beneficio, ita in dies magis ac magis conualituros, ut proprius Regnum ipsum nostrum accedere, recuperataque valetudine, Conuentui ipsi personaliter interesse, ac fidelium nostrorum commodis et permansioni consulere possimus; propterea piacúit nobis, nt ad festum Sancti Martini Episcopi et Confessoris proxime venturum, hoc est undecimum diem futuri mensis Nouembris, in ciuitatem nostram Posoniensem, uniuersis Statibus et Ordinibus Regni nostri Hungáriáé, generalem Dietam publicaremus, eique, Deo volente, personaliter interessemus. Quapropter Fidelitati Vestrae, harum serié, firmiter committimus et mandamus, ut ad praescriptum festum Sancti Martini Episcopi, sine mora et excusatione, Posonium nuntios vestros, viros prudentes, pacisque amantes, plena authoritate, expedire debeatis, qui cum caeteris, ea quae ad communem salutem, et tranquillitatem spectare videbuntur, unanimiter agere et concludere possint. Secus sub poena in Decreto expressa, non facturi. Datum in arce nostra Regia Pragensi, sexta die mensis Septembris, anno Domini millesimo quingentesimo octogesimo primo. Rudolphus. Electus Colocensis, Episcopus Jauriensis.